बाबा सिद्दिकींची सुपारी कोणी दिली? पोलीस तपासात धक्कादायक माहिती समोर, हत्येचं दाऊद इब्राहिम कनेक्शन

मुंबई, प्रतिनिधी : राष्ट्रवादी अजित पवार गटाचे नेते बाबा सिद्दिकी यांच्यावर गेल्या आठवड्यात गोळीबार करण्यात आला, या घटनेत त्यांचा मृत्यू झाला. दरम्यान बाबा सिद्दिकी यांची हत्या का करण्यात आली? त्यांच्या हत्येमागचा उद्देश काय होता? याबाबत अद्याप माहिती समोर आलेली नाही. मात्र पोलिसांच्या प्राथमिक तपासात मोठा खुलासा झाला आहे. या प्रकरणात आता अंडरवर्ल्ड डॉन दाऊद इब्राहिम कनेक्शन देखील समोर आलं आहे. पोलिसांच्या प्राथमिक तपासात अशी माहिती समोर आली आहे की बाबा सिद्दिकी यांची हत्या करण्यामागे अभिनेता सलमान खानच्या मनात आणि मुंबईमध्ये दहशत निर्माण करण्याचा उद्देश होता. सोबतच या निमित्तानं दाऊद इब्राहिमपर्यंत संदेश पोहोचवायचा होता.