Mumbai Weather Alert : नवी मुंबईत पावसाची जोरदार हजेरी, पुढील काही तास धोक्याचे, हवामान विभागाकडून अलर्ट

साधारणपणे ऑक्टोबर महिन्याच्या उत्तरार्धात पावसाचा जोर कमी होतो, पण यंदा हवामानात अचानक बदल झाल्याने पाऊस पुन्हा परतला आहे. मुंबई आणि आसपासच्या भागात आज (23 ऑक्टोबर) सकाळपासूनच ढगाळ वातावरण आणि दमट हवा होती, मात्र दुपारनंतर जोरदार सरी कोसळू लागल्या. नवी मुंबईतील खारघर, वाशी आणि बेलापूर परिसरात तर सायंकाळच्या सुमारास जोरदार पावसाचा जोर दिसून आला.

हवामान विभागाने मुंबई, ठाणे, नवी मुंबई आणि पालघर जिल्ह्यांसाठी पुढील काही तासांसाठी यलो अलर्ट जारी केला आहे.