तर सायरस मिस्त्री यांचा मृत्यू झाला नसता; नितीन गडकरी पोटतिडकीने म्हणाले, मुलांना विनंती करतो की...

रस्ते अपघाताबाबत बोलताना केंद्रीय मंत्री म्हणाले, मला दुःखाने सांगावे लागत आहे की रस्ते अपघातांची संख्या कमी झालेली नाही, उलट ती वाढली आहे. सर्वात दुर्दैवी गोष्ट म्हणजे ही मुले जी माझ्यासमोर बसली आहेत.हीच देशाचे भविष्य आहेत. आणि जर त्यांनी माझे बोलणे व्यवस्थित समजून घेतले आणि रस्त्याचे नियम पाळले, तर भविष्यात अपघात कमी होतील.

गडकरी म्हणाले, ज्यांनी वैध ड्रायव्हिंग लायसन्स घेतले नाही आणि कार-बाईक चालवण्याचा प्रयत्न केला, त्यांच्या मुळे 35,000 लोकांचा मृत्यू झाला. मुले आपल्या पालकांवर आणि आसपासच्या लोकांवर प्रभाव टाकतात. आणि आजकाल असा कायदा देखील तयार झाला आहे की मुलाने गाडीने अपघात केला आणि जर तो अल्पवयीन असेल, तर पालकांवर केस दाखल होतो. त्यामुळे मुलांनी जर हे ठरवले की आम्ही चुकीचे करणार नाही, कायद्याचे पालन करू, तर मला वाटते की नियमांचे पालन केल्यामुळे मुलांचेही प्राण वाचतील आणि अनेक लोकांचे प्राण वाचवण्याचे श्रेय त्यांना मिळेल.

मी विशेषतः मुलांना विनंती करतो की रस्ते सुरक्षेसाठी तयार केलेल्या लहान लहान नियमांचे पालन करा. जसे की गाडी चालवताना मोबाईलवर बोलू नका, रेड सिग्नल असेल तर थांबा, स्कूटर चालवत असाल तर दोघांकडे हेल्मेट असणे आवश्यक आहे, कारमध्ये बसल्यावर पुढे आणि मागे सीट बेल्ट लावा, जर बेल्ट लावले असते तर सायरस मिस्त्री यांचा मृत्यू झाला नसता. तुमच्या कुटुंबात अशी कोणतीही घटना होऊ नये आणि तुम्ही या सर्व नियमांचे पालन कराल, तर तुमचे कुटुंबही आनंदी राहील आणि अनेक लोकांचे प्राणही वाचतील, असे गडकरी पोटतिडकीने म्हणाले.