शरिराच्या आत लपवले 12 कोटींचे कॅप्सूल, डॉक्टरांनी बाहेर काढले, सत्य समजताच पोलीसही हादरले

दिल्ली विमानतळावरील कस्टमच्या अधिकाऱ्यांनी एक्सवर याबाबतची माहिती दिली आहे. 17 डिसेंबर रोजी अधिकाऱ्यांना विमानतळावर मुळचा केनियाचा असलेल्या एका नागरिकाच्या हलचाली संशयास्पद वाटल्या. अधिकाऱ्यांनी त्याला रोखले आणि चौकशी केली तर काही संशय अजून वाढला. संबंधित व्यक्ती केनियाची राजधानी नैरोबीतून आला होता.

अधिकाऱ्यांनी सांगितले की, ही व्यक्ती ग्रीन चॅनलच्या माध्यमातून वेगाने विमानतळाच्या बाहेर जाण्याचा प्रयत्न करत होता. त्यामुळे त्याच्यावर संशय वाढला. अधिकाऱ्यांनी त्याला थांबवले आणि चौकशी केली. चौकशीत त्या व्यक्तीनेच कबूल केले की आपण शरीरात अंमली पदार्थ लपवले आहेत. त्यानंतर त्याची वैद्यकीय तपासणी करण्यात आली. सफदरजंग रुग्णालयात झालेल्या वैद्यकीय तपासणीत त्याच्या शरीरात अनेक कॅप्सूल दिसले. डॉक्टरांना त्याच्या शरीरातून 77 कॅप्सूल बाहेर काढले. ज्यात पांढरी पावडर होती. त्याची तपासणी केल्यानंतर कोकीन असल्याचे समोर आले. या कोकीनचे वजन 822 ग्रॅम होते. ज्याची अंदाचे किंमत 12.33 कोटी इतकी होते.