महापालिका निवडणुकीआधी मोठी बातमी, निवडणूक आयोग राबवणार 'बिहार पॅटर्न', नेमके आदेश काय?

बिहारप्रमाणे आता संपूर्ण देशात SIR अर्थात Special Intensive Revision प्रक्रिया राबवली जाणार आहे. या प्रक्रियेच्या माध्यमातून देशातील सर्व मतदारांची पडताळणी केली जाणार आहे. निवडणूक आयोगाने २४ जून रोजी दिलेल्या आदेशात म्हटले होते की, बिहारच्या धर्तीवर संपूर्ण देशभरात विशेष सखोल फेरतपासणी (Special Intensive Revision - SIR) प्रक्रिया सुरू केली जाईल. मतदार याद्यांची निष्पक्षता आणि विश्वासार्हता सुनिश्चित करण्याच्या आपल्या संवैधानिक जबाबदाऱ्या पार पाडण्यासाठी संपूर्ण देशात ही एसआयआर प्रक्रिया सुरू केली जाईल, असे आयोगाने त्या आदेशात स्पष्ट केले होते.

सध्या बिहारमध्ये ही प्रक्रिया अंतिम टप्प्यात पोहोचली आहे. राज्याच्या निवडणूक अधिकाऱ्यांनी दिलेल्या माहितीनुसार, आतापर्यंत ९९ टक्के मतदारांना या प्रक्रियेअंतर्गत समाविष्ट करण्यात आले आहे, तर प्रारूप मतदार यादी तयार करण्याचे काम वेगाने सुरू आहे.