Sonam Raghuvanshi : 10 मे रोजी लग्न, 23 मे ला नवऱ्याचा काटा काढला! कशी पकडली हनिमूनला गेलेली सोनम?

Sonam Raghuvanshi Arrested : मेघालयातील ईस्ट खासी हिल्स जिल्ह्यात हनिमूनसाठी गेलेल्या इंदोरच्या रघुवंशी दांपत्याच्या बेपत्ता प्रकरणात मोठा खुलासा झाला आहे. मेघालय पोलिसांच्या तपासात राजा रघुवंशी यांच्या हत्येचा कट उघड झाला असून, तीन आरोपींना अटक करण्यात आली आहे त्यापैकी दोन इंदोरमधून आणि एक उत्तर प्रदेशमधील ललितपूर येथून अटक करण्यात आली आहे. याच प्रकरणात पत्नी सोनम रघुवंशी हिने उत्तर प्रदेशमधील गाझीपूर जिल्ह्यातील नंदगंज पोलीस ठाण्यात स्वखुशीने शरण घेतल्याचा दावा सोनमच्या घरच्यांनी केला आहे.