राजस्थानमधील चुरू जिल्ह्याच्या रतनगड कसबा जवळील भानुदा गावाजवळ आज एक भारतीय लष्कराचे (आर्मीचे) फायटर प्लेन कोसळल्याची घटना घडली आहे. या अपघातामुळे परिसरात मोठी खळबळ उडाली आहे. दुपारी सुमारे १२.४० वाजण्याच्या सुमारास ही घटना घडली. गावकऱ्यांच्या माहितीनुसार, आकाशातून जोरदार आवाज ऐकू आला आणि त्यानंतर शेताच्या दिशेने आगीचे लोळ आणि धुराचे मोठे लोट उठताना दिसले.

प्राथमिक माहितीप्रमाणे, हे अपघातग्रस्त विमान भारतीय लष्कराशी संबंधित होते. विमान कोसळल्यावर त्याचे छोटे-छोटे तुकडे झाले असून मलब्याजवळून एक पायलटचा मृतदेह आढळून आला आहे. तो पूर्णतः जळालेल्या अवस्थेत असून ओळख पटवण्याचे काम लष्कर आणि स्थानिक प्रशासनाकडून सुरू आहे. घटनेची माहिती मिळताच रतनगड परिसरात खळबळ माजली आहे. जिल्हाधिकारी अभिषेक सुराना आणि स्थानिक पोलिस अधिकारी घटनास्थळी रवाना झाले आहेत. लष्कराची बचाव पथकही तातडीने घटनास्थळी पोहोचत आहे, जेणेकरून परिसर सील करून तपास सुरू करता येईल.

गावकऱ्यांनी सांगितले की, विमान कोसळताच शेतात आग लागली होती आणि त्यांनी स्वतःच्या प्रयत्नाने ती आग आटोक्यात आणण्याचा प्रयत्न केला. मौजेतील एका प्रत्यक्षदर्शी प्रेमसिंह यांनी सांगितले की, विमानाने आपले नियंत्रण गमावले होते आणि कोसळताच त्याचे तुकडे झाले. मलबा सध्या शेताच्या विविध भागात विखुरलेला आहे.विमानात किती लोक होते, याबाबत अद्याप कोणतीही अधिकृत माहिती समोर आलेली नाही. मात्र घटनास्थळी मानवी अवशेष विखुरलेले दिसून आले आहेत.

सेना या अपघाताच्या कारणांची सखोल चौकशी करणार आहे. अपघाताचा आवाज इतका प्रचंड होता की मिसाईल स्फोट झाल्यासारखा वाटला, त्यामुळे परिसरात घबराटीचं वातावरण निर्माण झालं आहे. अपघाताची माहिती मिळताच स्थानिक पोलीस आणि प्रशासनाचे पथक तात्काळ घटनास्थळी दाखल होत आहे. प्राथमिक माहितीनुसार, फायटर प्लेन भानुदा गावाजवळ कोसळले असून, घटनेचे कारण अद्याप स्पष्ट झालेले नाही. या अपघातात कोणतीही जीवितहानी झाली आहे का किंवा वैमानिकाची स्थिती काय आहे, याबाबतची अधिकृत माहिती अद्याप उपलब्ध झालेली नाही.