पेन्शनरला कोणत्याही ऑफिस किंवा बँकेत जाण्याची नाही गरज, घरबसल्या असं काढा हयात प्रमाणपत्र

नेशन वाइड डिजिटल लाइफ सर्टिफिकेट कॅम्पेन 3.0 च्या माध्यमातून 800 शहरांमध्ये ही सुविधा दिली जाईल. नवीन सुविधा सुरू केल्यानंतर, उत्तर पश्चिम रेल्वेच्या 50 हजारांहून अधिक पेन्शनधारकांना स्टेट बँक ऑफ इंडियाकडून त्यांचे पेन्शन पेमेंट मिळू शकणार आहे. यासाठीची सुविधा रेल्वेच्या सर्व झोन आणि विभागांच्या बँकांमध्ये चालवली जाईल.

रेल्वे मंत्रालयाच्या म्हणण्यानुसार, यासाठी एक ॲप लॉन्च करण्यात आले आहे. ज्याद्वारे फेस ऑथेंन्टिकेशन टेक्नॉलॉजीद्वारे पेन्शनधारकाचा चेहरा स्कॅन करून जीवन प्रमाणपत्र जारी केले जाऊ शकते. ॲपमध्ये इन्स्टॉल केलेला स्कॅनर ओपन होताच मोबाईल चेहऱ्यासमोर घ्यावा लागेल, त्यामुळे प्रमाणपत्र तयार होईल. दूरवर राहणाऱ्या पेन्शनधारकांना या सुविधेचा सर्वाधिक फायदा होणार आहे. ते बँकेत न जाता घरी बसून जीवन प्रमाणपत्र देऊ शकतील आणि कोणत्याही अडचणीशिवाय पेन्शनचे नियमित पेमेंट घेऊ शकतील.