IRCTC : रेल्वेचं जबरदस्त एक्शन प्लान, 3 कोटींहून अधिक बनावट युजर आयडी ब्लॉक, आता कन्फर्म तिकिट मिळणं आणखी सोपं

मुंबई : भारतीय रेल्वे हा देशातील लाखो लोकांसाठी प्रवासाचा आधार आहे. लांबच्या किंवा अगदी जवळच्या प्रवासासाठी देखील लोक रेल्वेचा वापर करतात. कारण ती वेळेवर पोहोचवते शिवाय त्यासाठी खर्च देखील कमी येतो. पण अनेकदा, जेव्हा अचानक प्रवासाला निघायचे असते, तेव्हा सर्वात मोठी समस्या उभी राहते ती म्हणजे 'तत्काळ' तिकीट बुकिंग (Tatkal Ticket Booking) मिळण्याची. कारण अनेकदा कितीही प्रयत्न केले तरी देखील लोकांचे तत्काळ तिकिट बुक होत नाही. कधीकधी वेळ सुरु होताच तिकिट काढायला घेतलं तरी देखील 'नो सीट' (No Seat) चा पर्याय दिसतो. अशावेळी लोकांना खूप राग येतो आणि ही सर्विस काही कामाची नाही असं वाटतं.