Election Commission : आम्ही 'ती' नावे जाहीर करणार नाही, कारणांसाठी बांधिल नाही, निवडणूक आयोगाची ताठर भूमिका!

नवी दिल्ली: लोकसभेचे विरोधी पक्षनेते राहुल गांधी यांनी मतचोरीचे कथित पुरावे सादर केल्यानंतरही निवडणूक आयोगाने आपला ठाम पवित्रा कायम ठेवला आहे. विरोधकांकडून निवडणूक आयोगावर पक्षपातीपणाचा आरोप करण्यात येत असताना निवडणूक आयोगाची आणखी एक भूमिका समोर आली आहे. बिहारमधील मतदार याद्यांच्या फेरतपासणीत वगळण्यात आलेल्या तब्बल 65 लाख मतदारांची नावे सार्वजनिक केली जाणार नाहीत, असे आयोगाने सर्वोच्च न्यायालयात प्रतिज्ञापत्राद्वारे सांगितले आहे. वगळलेल्या मतदारांची स्वतंत्र यादी जाहीर करण्याचा कोणताही नियम अस्तित्वात नसल्याचेही निवडणूक आयोगाने सांगितले.