रेल्वे स्थानकावर मोठी दुर्घटना; छत कोसळून ३५ ते ४० कामगार अडकले

कन्नौज: उत्तर प्रदेशच्या कन्नौज (Kannauj Incident) येथे मोठी दुर्घटना घडली आहे. रेल्वे स्टेशनजवळ एका बांधकाम सुरू असलेल्या इमारतीचा स्लॅब कोसळला. या घटनेत अनेक कामगार अडकले असल्याची शक्यता वर्तवली जात आहे. सध्या मदत आणि बचावकार्य सुरू आहे. हाती आलेल्या माहितीनुसार दुर्घटना घडली तेव्हा 40 पेक्षा जास्त कामगार काम करत होते.  हे सर्व कामगार ढिगाऱ्याखाली अडकले. त्यापैकी काहींना बाहेर काढण्यात आले आहे. पोलिस आणि प्रशासनाचे वरिष्ठ अधिकारी घटनास्थळी उपस्थित आहेत.