फक्त 5 महिन्यांचं लग्न, 2 महिन्यांची गर्भवती…; CA नवऱ्याने पत्नीला संपवलं; व्हॅलेंटाईन डेच्या रात्रीचं 'ते' कारण ऐकून पोलिसही हादरले

मात्र झज्जर पोलिसांना सुरुवातीपासूनच संशय होता. अंशुलचे जबाब वारंवार बदलत होते. तो हल्लेखोरांविषयी ठोस माहिती देऊ शकत नव्हता. अवघ्या 18 तासांत पोलिसांनी संपूर्ण कट उघड केला आणि लुटीची कथा खोटी असल्याचे स्पष्ट झाले.

पुरावे नष्ट करण्यासाठी त्याने हातमोजे घातले होते. कात्री आधीच कारमध्ये ठेवली होती. गुन्ह्यानंतर माहकचे दागिने काढून ते बाहेर फेकले, जेणेकरून लुटीचा बनाव करता येईल. मदतीसाठी इतर वाहनचालकांना हात दाखवला. मात्र एका चालकाने पोलिसांना माहिती दिली आणि तपासाची दिशा बदलली. घटनेच्या दिवशी अंशुलने नेहमीचा मार्ग टाळून कच्च्या रस्त्याने गाडी नेली होती. पत्नीच्या फोनवर येणाऱ्या अनोळखी कॉल्समुळे तो संशयी झाला होता, अशीही माहिती तपासात पुढे आली आहे.