Trending:

What is IndiGo Issue: इंडिगो फ्लाइट्स का होतायत सारख्या कॅन्सल? नक्की हा काय आहे इशू

Published by:Devika Shinde

Last Updated:December 05, 2025 9:33 PM IST

Why Indigo flights are delayed : इंडिगोने जरी यामागे 'अपेक्षित नसलेले तांत्रिक आव्हान', हिवाळ्याचे वेळापत्रक आणि खराब हवामान अशी अनेक कारणे सांगितली असली, तरी या गोंधळामागील सर्वात मोठे आणि मुख्य कारण आहे डायरेक्टोरेट जनरल ऑफ सिव्हिल एव्हिएशन (DGCA) चे नवीन नियम.

इम्पॅक्ट शॉटतुमचा गेटवे लेटेस्ट न्यूज

मुंबई : आजच्या धावपळीच्या जीवनात, विमान प्रवास ही केवळ चैन नसून काळ वाचवणारी गरज बनली आहे. आपण वेळेत पोहोचावे म्हणून अधिक पैसे खर्च करून तिकीट बुक करतो. पण, तुमचा महत्त्वाचा प्रवास ऐनवेळी रद्द झाला तर? गेल्या काही दिवसांपासून भारतीय विमानतळांवर नेमकी हीच परिस्थिती आहे. देशातील सर्वात मोठी एअरलाइन असलेल्या इंडिगोच्या शेकडो विमानांना विलंब होत आहे किंवा ती रद्द होत आहेत, ज्यामुळे हजारो प्रवासी विमानतळावर ताटकळत आहेत आणि गोंधळाचे वातावरण आहे. (What is IndiGo Issue)

दिल्ली, बंगळूरु, चेन्नई, मुंबई आणि गोवा यांसारख्या प्रमुख विमानतळांवर इंडिगोच्या काउंटरवर संतापाचे चित्र दिसत आहे. गेल्या काही दिवसांत जवळपास 1000 विमाने रद्द झाली (IndiGo flight) आहेत. एकट्या शुक्रवारी (5 डिसेंबर 2025) दिल्लीत 172, बंगळूरुमध्ये 102 आणि मुंबईत 85 हून अधिक विमाने रद्द झाली. इंडिगो एअरलाइनच्या या गोंधळामागे नक्की काय कारण आहे? कंपनीची चूक आहे की नियम बदलले आहेत? चला, या संपूर्ण 'इश्यू' नक्की काय आहे आणि कशामुळे सुरु झाला हे जाणून घेऊ.

इंडिगोने जरी यामागे 'अपेक्षित नसलेले तांत्रिक आव्हान', हिवाळ्याचे वेळापत्रक आणि खराब हवामान अशी अनेक कारणे सांगितली असली, तरी या गोंधळामागील सर्वात मोठे आणि मुख्य कारण आहे डायरेक्टोरेट जनरल ऑफ सिव्हिल एव्हिएशन (DGCA) चे नवीन नियम.

DGCA चे नवे 'पायलट विश्रांती नियम' (FDTL):

एव्हिएशन रेग्युलेटर DGCA ने जानेवारी 2024 मध्ये पायलट आणि क्रू सदस्यांच्या विश्रांतीसाठी (Rest) नवीन FDTL (Flight Duty Time Limitations) नियम लागू केले. या नियमांचा मुख्य उद्देश सुरक्षितता वाढवणे आणि पायलटचा थकवा (Fatigue) कमी करणे हा आहे.

या नियमांमधील प्रमुख बदल:

रात्रीची ड्युटी: पायलटच्या रात्रीच्या शिफ्ट्स (Night Shifts) ची मर्यादा आधीच्या सहा वरून कमी करून दोन प्रति रोस्टर इतकी करण्यात आली.

आठवड्याची विश्रांती: आठवड्याची विश्रांतीची वेळ (Weekly Rest) वाढवण्यात आली.

ड्युटीच्या वेळेवर मर्यादा: एकूण ड्युटीच्या वेळेवर मर्यादा घालण्यात आली.

जेव्हा हे नवीन आणि कठोर नियम लागू झाले, तेव्हा अनेक क्रू सदस्य जुन्या वेळापत्रकानुसार विमाने चालवू शकले नाहीत. यामुळे लगेच रोस्टरमध्ये (Roster) समस्या निर्माण झाल्या आणि मोठ्या प्रमाणात विमाने रद्द होऊ लागली.

DGCA च्या नियमांचा सर्वाधिक फटका इंडिगोला का बसला?

इंडिगो दररोज 2,200 हून अधिक उड्डाणे चालवते. हा आकडा इतर एअरलाइन्सच्या तुलनेत जवळपास दुप्पट आहे. इंडिगोची कार्यशैली 'कमी खर्चात, जास्त वारंवारता' (Low-Cost, High-Frequency) या मॉडेलवर आधारित आहे आणि कंपनी मोठ्या प्रमाणावर रात्रीची उड्डाणे (Night Operations) चालवते.

पायलट फेडरेशन आणि एव्हिएशन तज्ञांचे म्हणणे आहे की

DGCA ने नियम बदलण्यासाठी कंपन्यांना जवळपास दोन वर्षांचा अवधी दिला होता. पण इंडिगोने उशिरा तयारी सुरू केली आणि क्रू रोस्टर योग्य वेळी समायोजित केले नाही.

इंडिगोने नवीन नियमांचा परिणाम माहीत असूनही कर्मचाऱ्यांची भरती थांबवली होती. त्यांच्या 'कमी मनुष्यबळ' (Lean Manpower Strategy) धोरणामुळे हा गोंधळ वाढला. एअरलाइन पायलट्स असोसिएशन ऑफ इंडियाने तर असेही म्हटले आहे की, कंपन्या नियम शिथिल (Relaxation) करण्यासाठी अपरिपक्व दबाव तंत्र वापरत असाव्यात.

प्रवाशांसाठी दिलासा कधी?

इंडिगोने माफी मागितली आहे आणि म्हटले आहे की, त्यांचे कामकाज येत्या 48 तासांत पूर्ववत होण्यास सुरुवात होईल. मात्र, DGCA ला सादर केलेल्या अहवालानुसार, इंडिगो 8 डिसेंबरपासून उड्डाणे कमी करणार आहे आणि 10 फेब्रुवारी 2026 पर्यंत पूर्णपणे स्थिर ऑपरेशन पूर्ववत करेल.

5 ते 15 डिसेंबर 2025 दरम्यानच्या रद्द झालेल्या किंवा वेळापत्रक बदललेल्या बुकिंगसाठी संपूर्ण परतावा (Full Refund) आणि सवलत (Waiver) दिली जाईल. परतावा मूळ पेमेंट मोडमध्ये आपोआप जमा होईल. DGCA ने तात्पुरता दिलासा देत आपल्या ऑडिटर पायलट्सना इंडिगोची विमाने चालवण्याची परवानगी दिली आहे, तसेच पायलटांच्या विश्रांती नियमांमध्ये तात्पुरती शिथिलता दिली आहे.

view comments

Location :

Mumbai,Maharashtra

First Published :

December 05, 2025 9:31 PM IST

What is IndiGo Issue: इंडिगो फ्लाइट्स का होतायत सारख्या कॅन्सल? नक्की हा काय आहे इशू