BJP Shivsena Shinde : राज्यात दोस्ती, वॉर्डात कुस्ती! BJP कार्यकर्त्यांनी शिंदे गटाला डिवचलं; "५० खोके"च्या घोषणांनी राजकारण तापलं

मुंबई: मुंबई महानगरपालिका निवडणुकीच्या प्रचाराने वेग घेतला असतानाच, महायुतीमधील अंतर्गत कलह आता चव्हाट्यावर आला आहे. शीव-कोळीवाडामधील वॉर्ड क्रमांक १७३ मध्ये भाजप आणि शिंदे यांच्या शिवसेनेत थेट संघर्ष पाहायला दिसत आहे. भाजप आणि शिवसेना शिंदे गटाचे उमेदवारांमध्ये लढत आहे. शिंदे गटाला सोडलेल्या जागेवर नाट्यमयरीत्या भाजपचा उमेदवार आहे. प्रचाराच्या दरम्यान शिंदे गटाला भाजपच्या कार्यकर्त्यानी डिवचलं. "५० खोके, एकदम ओके" अशा घोषणा देत भाजपने शिंदे गटावर निशाणा साधला. या प्रकारामुळे राजकीय चर्चांना उधाण आले आहे.