२६/११चा मास्टरमाईंड मुंबईकरांचा शत्रू रहमान मक्की पाकिस्तानमध्ये मृत्यू, वर्षभरापूर्वी झाला होता गायब

अब्दुल रहमान मक्की हा कुख्यात दहशतवादी संघटना लष्कर-ए-तोयबाचा नायब अमीर होता.तो पाकिस्तानमधील दहशतवादी संघटनांच्या राजकीय गट जमात-उद-दावाचा सेकंड इन कमांडर देखील होता. तो भारताचा आणखी एका मोस्ट वॉन्टेड दहशतवादी हाफिज मोहम्मद सईदचा चुलत भाऊ आणि सख्खा मेव्हणा देखील होता.

2023 मध्ये संयुक्त राष्ट्राच्या समितीने सात दहशतवादी हल्ल्यांचा हवाला देऊन त्याला आंतरराष्ट्रीय दहशतवादी घोषित केले होते. त्यामध्ये 2000 सालचा लाल किल्ल्यावरील हल्ला, 2008 सालचा रामपूर हल्ला, 2008 मधील मुंबई 26/11 हल्ला आणि 2018 मधील गुरेज येथील हल्ल्याचा समावेश होता. विशेष बाब म्हणजे, 2022 च्या जून महिन्यात अमेरिका आणि भारताचा हा प्रस्ताव चीनने रोखला होता. मात्र 2023 साली चीनला यावरून माघार घ्यावी लागली होती.