Exit Poll Sanjay Raut : मतदानानंतर संजय राऊतांचा एक्झिट पोल, जागांचा आकडाही सांगितला अन् मुख्यमंत्रीपदाबाबत भाष्य

मुंबई :  जवळपास महिनाभर सुरू असलेल्या विधानसभा निवडणुकीच्या प्रचाराचा धुरळा खाली बसला आहे. बुधवारी 20 नोव्हेंबर रोजी झालेल्या मतदानानंतर आता विजयाचा गुलाल कोण उधळणार याकडे सगळ्यांचे लक्ष लागले आहे. राज्यातील मतदान संपल्यानंतर विविध संस्थांनी आपले एक्झिट पोल जाहीर केले. यातील बहुतांशी एक्झिट पोलनुसार, राज्यात महायुती सत्तेत पुनरागमन करत आहे. तर, काही मोजक्याच एक्झिट पोलनुसार महाविकास आघाडी सत्ता स्थापन करणार आहे. एक्झिट पोलची चर्चा सुरू असताना शिवसेना ठाकरे गटाचे नेते खासदार संजय राऊत यांनी आपला एक्झिट पोल सांगितला आहे.