Astrology: 14 जानेवारीला सकाळी 08.52 वाजल्यापासून नशीब दगा देणार; या राशींना सावधानतेचा इशारा

हरिद्वारचे विद्वान ज्योतिषाचार्य पंडित श्रीधर शास्त्री याबद्दल अधिक माहिती देताना सांगतात की, जेव्हा सूर्य ग्रह एखाद्या राशीत प्रवेश करतो तेव्हा त्याला त्या राशीची संक्रांती म्हटले जाते. जानेवारी 2026 मध्ये मकर संक्रांत 14 जानेवारी, बुधवारी असेल. सूर्यदेव आपला पुत्र शनीच्या मकर राशीत रात्री 8:52 वाजता प्रवेश करतील. सूर्याच्या या प्रवेशाचा काही राशींवर नकारात्मक प्रभाव पडेल. या राशींवर काय वाईट परिणाम होतील आणि कोणते उपाय करावे लागतील, ते सविस्तर जाणून घेऊया.

धनु राशीचे स्वामी गुरु बृहस्पती आहेत. 14 जानेवारीच्या रात्री सूर्य शनीच्या मकर राशीत प्रवेश करेल, जो धनु राशीच्या दुसऱ्या भावात असेल. यामुळे घरातील संबंध बिघडणे, कुटुंबात कडाक्याची भांडणे, व्यवसायात तोटा आणि आर्थिक हानी होण्याचे योग आहेत.

मिथुन राशीचे स्वामी ग्रहांचे राजकुमार बुध आहेत. 14 जानेवारीच्या रात्री सूर्याचा मकर प्रवेश मिथुन राशीपासून अष्टम भावात होईल. ज्योतिषीय गणनेनुसार अष्टम भाव संकट आणि अचानक उद्भवणाऱ्या आरोग्य समस्यांचा असतो. या काळात मिथुन राशीच्या लोकांना आरोग्याच्या तक्रारी जाणवणे, अचानक धनहानी होणे किंवा मोठा खर्च उद्भवणे असे योग आहेत.

चंद्राच्या मालकीच्या कर्क राशीवर सूर्याच्या मकर प्रवेशाचा नकारात्मक परिणाम होईल. कर्क राशीच्या जातकांना विवाह कार्यात अडथळे, भांडण-तंटे, संबंधांमध्ये दुरावा, व्यवसायात आर्थिक नुकसान आणि मानसिक त्रासाला सामोरे जावे लागू शकते. सूर्याचे हे गोचर कर्क राशीपासून सप्तम भावात असेल.

कुंभ राशीचे स्वामी न्यायदेवता शनिदेव आहेत. सूर्याचा मकर राशीतील प्रवास कुंभ राशीच्या 12 व्या भावात होईल. या काळात कुंभ राशीच्या लोकांच्या अनावश्यक खर्चात वाढ होईल, व्यवसायात नुकसान सोसावे लागेल आणि वादविवादांमुळे मानसिक ताण वाढण्याची शक्यता आहे.

वृश्चिक राशीचे स्वामी साहस आणि पराक्रमाचे कारक मंगळ देव आहेत. सूर्याचा मकर प्रवेश वृश्चिक राशीच्या तिसऱ्या भावात होईल, ज्यामुळे होत आलेली कामे बिघडणे, नात्यांमध्ये तणाव, मानसिक त्रास आणि वैवाहिक जीवनात अनेक समस्या येऊ शकतात.

पंडित श्रीधर शास्त्री यांच्या मते, धनु, मिथुन, कर्क, कुंभ आणि वृश्चिक राशीच्या लोकांनी 14 जानेवारीच्या रात्री 8:52 पासून काही खास उपाय करावेत, ज्यामुळे या गोचर काळातील समस्या कमी होतील. या काळात 'आदित्य हृदय स्तोत्रा'चे पठण करावे, सूर्याला अर्घ्य देताना पाण्यात गुळ मिसळावा, रविवारी गहू आणि लाल रंगाच्या वस्तू दान कराव्यात आणि सूर्य ग्रहाच्या 12 नावांचा दररोज 108 वेळा जप करावा. यामुळे नक्कीच लाभ मिळेल.(सूचना : येथे दिलेली माहिती ज्योतिषीय ज्ञानावर आधारित आहे. याला कोणताही शास्त्रीय पुरावा नाही. न्यूज 18 मराठी त्याची हमी देत नाही.)