लाल मसूरची डाळ मांसाहारी? हिंदू धर्मात खाण्यास मनाई, साधू- संतही लावत नाही हात

भारतातील प्रथिनांच्या सर्वात मोठ्या स्रोतांपैकी एक म्हणजे डाळ. डाळ केवळ शाकाहारीच नाही तर मांसाहारी देखील खातात. तथापि, तुम्हाला हे जाणून आश्चर्य वाटेल की भारतात एक डाळ आहे जी मांसाहारी मानली जाते.

तुम्ही रोजच्या जेवणात अनेक डाळींचा वापर करता. प्रत्येक डाळीमध्ये प्रथिनांचा मोठा स्रोत असतो. पण तुम्हाला ऐकून आश्चर्य वाटेल की अशीही एक डाळ आहे जी मांसाहारी असल्याचे मानले जाते. संत, ऋषी आणि पुजारी त्याला स्पर्शही करण्यास नकार देतात. पण ते का आणि ही डाळ नेमकी कोणती? जाणून घ्या.

हिंदू धर्मग्रंथांमधील एका प्रसिद्ध कथेनुसार, समुद्रमंथनाच्या वेळी अमृत निघाले. देवांनी अमृत वाटण्यास सुरुवात केली तेव्हा, स्वरभानू नावाचा एक राक्षस गुप्तपणे देवाच्या वेशात त्यांच्यात सामील झाला.

हे कळताच भगवान विष्णूने ताबडतोब आपल्या सुदर्शन चक्राने त्या राक्षसाचे डोके छिन्नविच्छिन्न केले. असे मानले जाते की मसूर डाळ ही स्वरभानूच्या रक्ताच्या थेंबांपासून निर्माण झाली होती. रक्ताशी त्याचा संबंध असल्याने, मसूर डाळ मांसाहारी अन्नाच्या समतुल्य मानतात.

अनेक धर्मात अनेक गोष्टी खाणे किंवा करणे अयोग्य मानले जाते. बऱ्याच गोष्टी किंवा वस्तू अशा आहेत ज्याचे सेवन टाळणे योग्य असते. त्यामागे अनेक कारण देखील असतात. अशातलीच एक गोष्ट म्हणजे मसूर डाळ.

आणखी एक समजुती अशी आहे की मसूरमध्ये तामसिक गुण असतात. तामसिक गुण अंधार, आळस आणि अशुद्धतेशी संबंधित आहेत, म्हणून ते कठोर आध्यात्मिक जीवनशैली जगणाऱ्यांसाठी अयोग्य मानले जातात.

हिंदू धर्मात मसूर डाळीचे सेवन करण योग्य मानले जाते. अध्यात्मिक दृष्ट्या ही डाळ तामसिक मानली गेली असली तरी त्याचे सेवन करणं न करणं हा पूर्णतः निर्णय सेवन करणाऱ्या व्यक्तीचा असतो.

वैज्ञानिकदृष्ट्या, मसूरमध्ये प्रथिने आणि फायबर सारख्या महत्त्वाच्या पोषक तत्वांचा समावेश असतो. काही लोक त्यांच्या उच्च प्रथिनेयुक्त सामग्रीची तुलना मांसाशी करतात, जे या गैरसमजाचे कारण असू शकते. काही अभ्यास असे सूचित करतात की मसूरमध्ये हार्मोनल संतुलनावर परिणाम करणारे संयुगे असू शकतात.

ऋषी, संत आणि पुरोहित ही डाळ टाळतात. मसूर तामसिक मानली जाते, म्हणून ते आध्यात्मिक शुद्धता राखण्यासाठी ते खाणे टाळतात. असे म्हटले जाते की प्राचीन काळी, मसूर, लसूण आणि कांदे आहारातून वगळले जात होते कारण त्यांच्यात प्रथिने जास्त प्रमाणात असणे अयोग्य किंवा उत्तेजक मानले जात असे. टीप : (वरील माहिती सामान्य माहितीवर आधारीत आहेत. न्यूज 18 मराठी याची पुष्टी करत नाही. आपला उद्देश तुमच्यापर्यंत माहिती पोहोचवण्याचा आहे.)