लवकरच भारतात कमबॅक करणार क्रेटा-नेक्सॉनची शत्रु! SUV मार्केटमध्ये घालणार धुमाकूळ

रेनो डस्टरचे भारतीय मार्केटमध्ये कमबॅक होणार आहे. ही भारताची पहिली कॉम्पॅक्ट एसयूव्ही मानली जाते. यानंतर ही भारतीय नेक्सॉन आणि क्रेटासारख्या कॉम्पॅक्ट एसयूव्ही लॉन्च केली गेली.

2026 रेनो इंडियासाठी एक मोठे वर्ष असणार आहे. कारण कंपनी देशात आपली आयकॉनिक डस्टर ब्रँडला पुन्हा लॉन्च करणार आहे. कंपनी सेकंड जनरेशन मॉडलला वगळून थेट थर्ड जनरेशन डस्टरला भारतात आणणार आहे. यामध्ये जबरदस्त डिझाइन बदल, भारी फीचर्स आणि टेक्नॉलॉजीसह नवीन इंजीन पाहायला मिळेल.

नवीन 2026 रेनॉल्ट डस्टर भारतात स्वातंत्र्यदिनी, 26 जानेवारी रोजी पदार्पण करेल. यावेळी, डस्टरचा मार्ग सोपा नसेल, कारण तिला हुंडई क्रेटा, किआ सेल्टोस, मारुती ग्रँड विटारा, टाटा सिएरा, टोयोटा हायराइडर, स्कोडा कुशक, फोक्सवॅगन टायगुन आणि होंडा एलिव्हेट सारख्या दमदार एसयूव्हींशी स्पर्धा करावी लागेल.

ग्राहकांमध्ये उत्साह वाढवण्यासाठी रेनो इंडियाने अनेक टीझर जारी केले आहेत. ज्यामध्ये एसयूव्हीला फ्रंट आणि रियर प्रोफाइलची झलक पाहयला मिळते. नवीन डस्टरमध्ये नवीन डिझाइनचे हेडलँप्स मिळतील. ज्यामध्ये आयब्रो शेप्ड एलईडी डीआरएल्स, नवी ग्रिल ज्यामध्ये खाली तीन एअर इनटेक्स देण्यात आले आहेत. रुफ सेल्स आणि कनेक्टेड टेललँप्स असतील.

स्पाई इमेजमध्ये समोर एक कॅमेरा मॉड्यूल दिसतो, जो 360-डिग्री कॅमेराची उपस्थिती दर्शवतो. मनोरंजक म्हणजे, ADAS (ऑटोनॉमस ड्रायव्हर असिस्टन्स सिस्टम) साठी रडार सेन्सर देखील विंडस्क्रीनवर दिसतो, ज्यामुळे ADAS देणारी ही भारतातील पहिली रेनॉल्ट कार बनली आहे.

सेफ्टीच्या बाबतीत, नवीन डस्टरमध्ये सहा एअरबॅग्ज, टायर प्रेशर मॉनिटरिंग सिस्टम, इलेक्ट्रॉनिक स्टेबिलिटी कंट्रोल, ISOFIX चाइल्ड सीट अँकर आणि EBD सह ABS सारखी फीचर्स असतील.

नवी 2026 रेनो डस्टरमध्ये अनेक प्रीमियम फीचर्स मिळतील. ज्यामध्ये पॅनोरमिक सनरुफ (हाय व्हेरिएंट्समध्ये), 10.1 इंचांचा टचस्क्रिन इंफोटेनमेंट सिस्टम, वायरलेस अँड्रॉइड ऑटो आणि अॅपल कारप्ले, 7 इंचाची डिजिटल ड्रायव्हर डिस्प्ले, एम्बिएंट लायटिंग, 6-स्पीकर अर्कामिस साउंड सिस्टम, वायरलेस फोन चार्जर, पॉवर्ड ड्रायव्हर सीट, व्हेंटिलेटेड फ्रंट सीट्स, प्रीमियम ऑडिओ सिस्टम, क्रूझ कंट्रोल, कीलेस एंट्रीसह पुश बटण स्टार्ट आणि बरंच काही सामिल आहे.

अधिकृत इंजिन डिटेल्स लाँचिंगच्या वेळी उघड होऊ शकतात. तसंच, नवीन डस्टरमध्ये 156 बीएचपी उत्पादन करणारे 1.3-लिटर टर्बो-पेट्रोल माइल्ड हायब्रिड इंजिन असण्याची अपेक्षा आहे, तसेच 1.0-लिटर टर्बो-पेट्रोल इंजिन पर्याय देखील असण्याची शक्यता आहे. लाँचिंगनंतर काही महिन्यांनी एक मजबूत हायब्रिड पॉवरट्रेन पर्याय जोडला जाऊ शकतो.