सावधान! कारमधील प्लास्टिकची बॉटलही ठरु शकते आगीचं कारण, पण कशी?

Water Bottle Causes Fire In Car: तुम्ही कधी पाण्यामुळे आग लागल्याचे ऐकले आहे का, जर नसेल तर आज आम्ही तुम्हाला सांगणार आहोत की पाण्याच्या बाटलीमुळेही आग लागू शकते. तुमच्या गाडीत ठेवलेल्या पाण्याच्या बाटलीमुळेही आग लागू शकते, असा विचार तुम्ही कधी केला आहे का? हो, ही एक दुर्मिळ पण शक्य घटना आहे.

हे कसे शक्य आहे असा प्रश्न तुम्हाला पडला असेल, पण प्रत्यक्षात गाडीत ठेवलेली पाण्याची बाटली एका लेन्ससारखी काम करते आणि सूर्याच्या किरणांना केंद्रित करू शकते, ज्यामुळे ज्वलनशील पदार्थांना आग लागू शकते. याबद्दल सविस्तरपणे जाणून घेऊया, कारण ही प्रत्येक कार मालकासाठी एक महत्त्वाची माहिती आहे.

आगीचे वैज्ञानिक कारण: लेन्स इफेक्ट (मॅग्निफायिंग इफेक्ट):पाण्याची बाटली पारदर्शक प्लास्टिकची बनलेली असेल आणि ती स्वच्छ पाण्याने भरलेली असेल, तर ती सूर्याच्या किरणांना केंद्रित करू शकते, जसे भिंग करते. जेव्हा हे केंद्रित किरण कार सीट कापड, कागद, प्लास्टिक इत्यादी कोणत्याही ज्वलनशील पदार्थावर पडते तेव्हा तेथील तापमान इतके वाढू शकते की त्यामुळे आग लागू शकते.

अशी घटना कशी टाळायची? : अशा घटना कशा टाळता येतील हे जाणून घेणे महत्त्वाचे आहे. तसंच, हे खूप सोपे आहे, अन्यथा मोठी दुर्घटना घडू शकते. तर भविष्यात आगीसारख्या घटनेला सामोरे जावे लागू नये म्हणून आपण काय करावे ते जाणून घेऊया.

पारदर्शक पाण्याची बाटली थेट सूर्यप्रकाशात ठेवू नका.बाटली कापडाने किंवा वर्तमानपत्राने झाकून ठेवा. गाडीतील सीटवर किंवा डॅशबोर्डवर बाटली ठेवण्याऐवजी, ती थेट सूर्यप्रकाशाच्या संपर्कात येणार नाही अशा ठिकाणी दाराच्या होल्डरमध्ये ठेवा.तुमची गाडी उन्हाऐवजी सावलीत पार्क करण्याचा प्रयत्न करा. उघड्या पार्किंगपेक्षा अंडरकवर पार्किंग चांगले.