लागोपाठ चौथ्या रविवारी भारताचा पाकिस्तानवर Surgical Strike, दुबईनंतर कोलंबोतही ऑपरेशन सिंदूर यशस्वी

कोलंबो : आशिया कपच्या तीनही रविवारी भारताकडून मार खाल्ल्यानंतर आता चौथ्या रविवारीही टीम इंडियाने पाकिस्तानवर सर्जिकल स्ट्राईक केला आहे. महिला वर्ल्ड कपच्या सामन्यात टीम इंडियाचा तब्बल 88 रननी विजय झाला आहे. भारताने दिलेलं 248 रनचं आव्हान पार करण्यासाठी आलेल्या पाकिस्तानचा फक्त 159 रनवर ऑल आऊट झाला. यंदाच्या वर्ल्ड कपमधला टीम इंडियाचा हा दोन सामन्यांमधला दुसरा विजय आहे. भारताकडून दीप्ती शर्माने सर्वाधिक 3 विकेट घेतल्या तर क्रांती गौडलाही 3 विकेट मिळाल्या, याशिवाय स्नेह राणाने 2 विकेट घेतल्या. पाकिस्तानकडून सिद्रा आमिनने सर्वाधिक 81 रन केले, तर नटालिया परवेझने 33 आणि सिद्रा नवाझने 14 रन केले, या तिघींशिवाय कोणत्याही पाकिस्तानी खेळाडूला दोन आकडी धावंख्याही करता आली नाही.