Tata ने आली मिनी 'Defender', धाकड फिचर्स आणि किंमत सगळ्यात कमी, खास PHOTOS

गेल्या अनेक वर्षांपासून बहुप्रतिक्षेत असलेली Tata Sierra अखेरीस लाँच करण्यात आली आहे. टाटा मोटर्सने तब्बल दोन ३ दशकानंतर आपल्या या लाडक्या Tata Sierra चं कमबॅक केलं आहे. पण, यावेळी टाटाने मध्यमवर्गीय कुटुंबीय आणि मिड साईज एसयूव्ही सेगमेंटला टार्गेटकरून ही एसयूव्ही आणली आहे. यात एकूण ७ व्हेरियंट आहे, पण सगळ्यात जास्त चर्चा आहे ती मिनी डिफेन्डर समजली जाणाऱ्या Tata Sierra ROQ ची. 

टाटा मोटर्सने दोनच दिवसांपूर्वी Tata Sierra लाँच केली. यासोबत काही व्हेरियंटही लाँच केले आहे. यामध्ये Tata Sierra ROQ Edition हे एक वेगळं मॉडेल आहे. यामध्ये खास अशी अॅक्सेसरी पॅक दिला आहे. त्यामुळे जो सियाराला दमदार आणि धाकड असा ऑफ-रोड लूक देतो.  या अॅक्सेसरीमुळे Tata Sierra ROQ ही एसयूव्ही 'मिनी डिफेंडर' सारखी दिसते.

Tata Sierra ROQ च्या बाहेरील बाजूला डॅशबोर्डवरच SIERRA बॅजिंग असलेली जाड ब्लॅक प्लेक, बंपर आणि व्हील आर्चवर जाड मॅट क्लॅडिंग  आणि मजबूत ब्लॅक साईड स्टेप्स यांचा समावेश आहे.

तसंच गाडीच्या छतावर मेटॅलिक रूफ रॅक दिला आहे, त्यावर चढण्यासाठी बाजूने फोल्डेबल शिडी  दिली आहे. जी सेम डिफेंडरमध्ये आहे. तसंच कॉफी मेकर, टेंट, खुर्ची आणि मिनी ओव्हन अशी अॅक्सेसरीज देखील दिली आहे. 

तर, Tata Sierra ROQ  च्या मागील बाजूला टो हिच आणि डिग्गीमध्ये कप होल्डर्ससह दोन सीट्स दिले आहे. जे की तुम्ही ट्रेकिंगला गेल्यावर आरामात बसू शकतात.

ही अॅक्सेसरी पॅक दोन प्रकारामध्ये आहे. एका पॅकची किंमत ५० हजार रुपये आहे तर दुसऱ्या पॅकची किंमत ही पूर्ण किटसाठी  १ लाखांरुपयांपर्यंत आहे.  

Tata Sierra 2025 मध्ये दोन नवीन इंजिनचा समावेश केला आहे. यामध्ये एक 1.5-लीटर हायपरियन T-GDi टर्बो-पेट्रोल इंजिन दिलं आहे, जे ऑटोमॅटिक टॉर्क कनव्हर्टरसह येतोय. तर दुसरं इंजिन हे 1.5-लिटर रेवोट्रॉन नॅचुरली एस्पिरेटेड पेट्रोल मोटर इंजिन आहे, जे  म्यॅनुअल आणि DCA (डुअल क्लच ऑटोमॅटिक) दोन पर्याय दिले आहे.  या शिवाय 1.5-लिटर क्रायोजेट डिझेल इंजिनचा सुद्धा पर्याय दिला आहे पण अजून तो लाँच केला नाही.

टाटा सियाराची किंमत एक्स शोरूम ११.४९ लाख इतकी ठेवण्यात आली आहे. Tata Sierra 2025 ची बुकिंग १६ डिसेंबरपासून सुरू होईल. तर डिलिव्हरी ही १५ जानेवारी २०२६ पासून होणार आहे.