Alcohol Fact : दारुची बाटली रात्रभर उघडी ठेवली तर ती दुसऱ्यादिवशी खराब होते का? 99 टक्के लोकांना चुकीची माहिती

दारु ही आरोग्यासाठी वाईट आहे. त्यामुळे ती न पिण्याचा सल्ला नेहमी डॉक्टर देतात. पण असं असलं तरी काही मद्यप्रेमी याकडे कानाडोळा करतात. आजच्या धकाधकीच्या जीवनात अनेक जण दिवसाचा ताण हलका करण्यासाठी किंवा मित्रमैत्रिणींमधील भेट अधिक रंगतदार करण्यासाठी थोडीफार दारू घेतात. एखाद्या कार्यक्रमाची मजा वाढवण्यासाठी देखील लोक दारु पितात. तर काही मेहनतीचे काम करणारे अंग दुखतं म्हणून थोड्याप्रमाणात दारु घेऊन झोपतात.

पण या सगळ्यात लोकांना अनेकदा दारुशी संबंधीत काही प्रश्न पडतात. त्यापैकी एक महत्वाचा आणि कॉमन प्रश्नाचं उत्तर तुम्हाला इथे मिळेल.

पार्टी संपल्यानंतर उरलेली बॉटल दुसऱ्या दिवशी टेबलावर दिसणं ही एक अगदी सामान्य गोष्ट आहे. पण रात्री उघडून ठेवलेली ही बॉटल सकाळपर्यंत तशीच राहिली तर ती चांगली रहाते का? तिचा स्वाद बदलतो का? नशा कमी-जास्त होते का? हा प्रश्न जवळपास प्रत्येक दारू पिणाऱ्याच्या मनात एखाद्या क्षणी नक्कीच येतो.

खरं तर दारूची क्वालिटी तिच्या ब्रँड किंवा किंमतीवरच अवलंबून नसते. तर ती कशी स्टोअर केली जाते यावर असतो, कोणत्या तापमानात ठेवली जाते आणि बॉटल किती वेळ उघडी राहते यावरही तिचा परिणाम ठरतो. अनेकांना वाटतं की दारू कधी खराब होत नाही; पण हे अर्धसत्य आहे.

दारूच्या प्रत्येक प्रकाराची स्वतःची शेल्फ लाइफ आणि रिएक्शन प्रक्रिया वेगळी असते. बीयर, वाइन, व्हिस्की, रम, ब्रँडी किंवा टकीला, सर्वांच्या टिकण्याचा कालावधी आणि फ्लेवर बदलण्याची गती वेगवेगळी आहे. विशेषतः बॉटल उघडल्यानंतर त्यातील बदल सुरू होतात आणि हळूहळू तिचा मूळ टेस्ट आणि नशा दोन्ही कमी होऊ शकतात.

बॉटल उघडल्यानंतर काय होतं?बॉटल उघडताच दारू हवा (ऑक्सिजन) च्या संपर्कात येते. यामुळे ऑक्सिडेशन सुरू होतं आणि दारूमधील फ्लेवर कंपाउंड तुटायला लागतात. वाइनमध्ये ही प्रक्रिया सर्वात वेगाने होते. काही तासांतच तिचा स्वाद फीका, आंबूस किंवा एकदम वेगळा होऊ शकतो. व्हिस्की, रम, जिन यांसारख्या हार्ड लिकरमध्ये हा बदल तुलनेने हळू असतो, पण वेळ जसजसा जातो तसतसा मूळ स्वाद कमकुवत पडतो.

नशा का कमी होते?उघडलेल्या बोतलमध्ये अल्कोहोल हळूहळू उडू लागतं, त्यामुळे त्याचा किक किंवा इम्पॅक्ट कमी होतो. वाइन आणि बीयरमध्ये अल्कोहोलचं प्रमाण कमी असल्याने त्यांच्यात हा बदल अधिक वेगाने होतो. बीयर तर काही तासांतच आपली गॅस, फ्रेशनेस आणि चव गमावते.

कंटेनरचा मोठा रोलकाच (ग्लास) दारू साठवण्यासाठी सर्वात सुरक्षित मानली जाते. पण दारू प्लास्टिक किंवा मेटलच्या कंटेनरमध्ये ट्रान्सफर केली तर तिची चव आणि सुगंध अप्राकृतिक आणि बिघडलेला वाटू शकतो.

किती काळ टिकते कोणती दारू?वाइन: बॉटल उघडल्यानंतर 2–3 दिवसांत चव बदलायला लागते. रेड वाइन थोडी जास्त टिकते, पण व्हाइट वाइन लवकर खराब होते. बीयर: फक्त काही तासांतच फ्लेवर आणि गॅस निघून जाते; दुसऱ्या दिवशी जवळपास बेस्वाद.

व्हिस्की, रम, वोडका, जिन: अल्कोहोल जास्त असल्याने या पटकन खराब होत नाहीत; पण हवा, प्रकाश आणि तापमान यांच्या संपर्कामुळे 10–12 महिन्यांत त्यांचा फ्लेवर कमी होऊ शकतो.

थोडक्यात, दारू किती चांगली आणि स्ट्रॉन्ग आहे हे तिच्या किंमतीवर नाही, तर ती कशी स्टोअर केली जाते यावर अवलंबून असतं. त्यामुळे उघडलेल्या बोतलीचं आयुष्य आणि चव किती दिवस टिकेल हे जाणून घेणं तितकंच महत्त्वाचं आहे.

(नोट : वरील माहिती सामान्य माहितीवर आधारीत आहे. न्यूज 18 मराठी मद्यपानासाठी प्रोत्साहन देत नाही. आमचा उद्देश तुमच्यापर्यंत माहिती पोहोचवण्याचा आहे.)