Volvo Ex30: फॅक्टरीतून बाहेर पडताच 5 स्टार रेटिंग, धाकड SUV अखेर भारतात, लूक पाहून पडाल प्रेमात

जगातली सर्वात सेफ्टी कार उत्पादक कंपनी म्हणून Volvo ओळखली जाते. आता  व्होल्वोने भारतात आपली पहिली इलेक्ट्रिक SUV EX30 लाँच केली आहे. या Volvo EX30 मध्ये दमदार फिचर्स आणि जबरदस्त असा लूक दिला आहे. या Volvo EX30  ची रेंजही तब्बल 480 किमी आहे.

सध्या सण उत्सवाचं वातावरण आहे, त्यामुळे   १९ ऑक्टोबर २०२५ पूर्वी प्री-रिझर्वेशन करू शकतात. Volvo EX30  ही एसयूव्ही 39.99 लाखांना मिळणार आहे. या कारची एक्स शोरूम किंमत ४१ लाख इतकी आहे.  या लक्झरी इलेक्ट्रिक कारची डिलिव्हरी नोव्हेंबरच्या पहिल्या आठवड्यात सुरू होईल.

स्वीडिश कारमेकर Volvo ने भारतात ही तिसरी इलेक्ट्रिक कार (EV) आहे. याआधी दोघांप्रमाणे,XC40 आणि C40 प्रमाणेच  EX30 चं बंगळुरूजवळील व्होल्वोच्या होस्कोट प्लांटमध्ये असेंबल केली जाईल. यामुळे स्पर्धात्मक किंमत आणि जलद डिलिव्हरी सुनिश्चित होतील.

प्रत्येक कार तीन वर्षांची वॉरंटी, सेवा आणि रोडसाईड असिस्टन्स पॅकेजसह येईल, तसंच पाच वर्षांच्या कनेक्टेड सेवा देखील मिळतील. खरेदीदारांना वॉल बॉक्स चार्जर आणि ८ वर्षांची बॅटरी वॉरंटी म्हणून देखील मिळेल.

EX30 सिंगल-मोटर एक्सटेंडेड-रेंज व्हर्जनमध्ये ऑफर केली जाते. हे २७२ एचपी आणि ३४३ एनएम टॉर्क जनरेट करते, ६९ किलोवॅट प्रति तास लिथियम-आयन बॅटरीसह जोडलेली आहे. ही EV ४८० किमी (डब्ल्यूएलटीपी) ची रेंज देते आणि फक्त ५.३ सेकंदात ०-१०० किमी प्रति तास वेग गाठते. या कारचा टॉप स्पीड इलेक्ट्रॉनिक १८० किमी प्रति तास इतका आहे.

व्होल्वो EX30 ला कॉम्पॅक्ट पण शक्तिशाली ईव्ही म्हणून समोर आली आहे. Volvo EX30  ड्रायव्हिंग डायनॅमिक्स शहराच्या सहजतेने हाताळण्यासाठी डिझाइन केलेली आहे. EX30 ही एक दमदार अशी एसयूव्ही आहे.  एका पेडल ड्रायव्हिंगमुळे शहरी वापरासाठी बेस्ट अशी एसयूव्ही आहे.

स्टीअरिंग हलके पण अचूक आहे, तर सस्पेंशन आराम आणि हाताळणीमध्ये संतुलन राखते. सुरक्षितता आणि वैशिष्ट्ये व्होल्वो ही नेहमी सुरक्षितता ही सर्वोच्च प्राथमिकता आहे. EX30 ला  युरो NCAP रेटिंगमध्ये ५ स्टार रेटिंग मिळाले आहे. या कारमध्ये मल्टीपल एअरबॅग्ज, सेफ स्पेस तंत्रज्ञान, लेन कीपिंग असिस्ट, अ‍ॅडॉप्टिव्ह क्रूझ कंट्रोल, इंटरसेक्शन ऑटो-ब्रेक, ३६०-डिग्री कॅमेरा आणि ब्लाइंड स्पॉट मॉनिटरिंग यांचा समावेश आहे.