हाच माझा नवरा! मैत्रिणीला शुभेच्छा द्यायला गेली अन् 16 व्या वयात तिच्या भावालाच पटवून आली, अमृता सुभाषची हटके Love Story

मराठी सिनेमा </a>आणि नाटकाच्या माध्यमातून ते प्रेक्षकांच्या भेटीला येत असतात." width="1080" height="809" /> मराठी इंडस्ट्रीतील सेलिब्रेटी कपल्सपैकी एक कपल म्हणजे अभिनेत्री अमृता सुभाष आणि अभिनेता संदेश कुलकर्णी. दोघेही उत्तम कलाकार आहेत. गेली अनेक वर्ष मराठी सिनेमा आणि नाटकाच्या माध्यमातून ते प्रेक्षकांच्या भेटीला येत असतात.

'पुनश्च हनिमून' या नाटकातून अमृता आणि संदेश प्रेक्षकांच्या भेटीला येत आहेत. दोघांकडे पाहिल्यानंतर आयडियल कपल कसं असावं याचा प्रत्येय येतं. अमृता आणि संदेश गेली 22 वर्ष सुखाचा संसार करत आहेत. दोघांची लव्ह स्टोरी हटके आहे.

अमृता 16 वर्षांची असताना संदेशच्या प्रेमात पडली होती. अमृताच्या प्रपोजला संदेशने आधी नकार दिला होता. नुकत्याच एका कार्यक्रमात बोलताना अमृता आणि संदेश यांनी त्यांच्या लव्ह स्टोरीबद्दल सांगितलं. अमृता म्हणाली, 16 वर्षांची असताना मी त्याच्या प्रेमात पडली, त्याने मला नकार दिला." यावर संदेश म्हणाला, "चाइल्ड मॅरेज होतं म्हणून मी नकार दिला. 16व्या वर्षी कोण होकार देणार."

अमृता संदेशच्या प्रेमात का पडली? तिने त्याच्यात असं काय पाहिलं? या प्रश्नावर अमृता म्हणाली, "याचं कारण होतं माझी मैत्रीण आणि आपल्या सगळ्यांची आवडती अभिनेत्री सोनाली कुलकर्णी. ती माझी अत्यंत जवळची मैत्रीण आहे. याच्यामागचं आणखी एक कारण म्हणजे सत्यजीत दुबे. ते माझ्या अभिनयाचे दुसरे गुरू आहेत."

"दुबेजींच्या नाट्यशिबिरात मला पहिल्यांदा सोनाली भेटली. तिची आणि माझी मैत्री झाली. तिचा 3 नोव्हेंबरला वाढदिवस असतो. तेव्हा मोबाईल नव्हते तेव्हा आमच्या त्या काळात आम्ही भेटून एकमेकांना शुभेच्छा द्यायचो. 3 तारखेला मला एका लग्नाला जायचं होतं. मी ठरवलं सोनालीला शुभेच्छा देऊन जायचं."

अमृताने पुढे सांगितलं, "मी बाबांबरोबर सोनालीच्या घराजवळ आले. पायऱ्या चढून वर गेले आणि घरातून आत डोकावले तेव्हा आतमध्ये एक अत्यंत उमदा तरुण, त्याने एक कुर्ता घातला होता आणि त्याच्या कुर्त्याच्या बाह्या तो मागे सारत असताना मला दिसला. त्याक्षणी मला माहिती होतं की हा माझा नवरा आहे आणि तो होता संदेश कुलकर्णी."

"हा पण एक लीड झाला. त्यानंतर दुबे जींच्या वर्कशॉपमध्ये तो मला भेटला. आमच्या ओळखीचं रुपांतर मैत्रीत झालं. पण मैत्रीचं रुपांतर प्रेमात होऊ शकलं नाही कारण त्याने मला नकार दिला. नंतर त्याने होकार का दिला हे त्याला विचारा..."

यावर संदेश कुलकर्णी म्हणाला, "तिचं जे बोलणं आहे ते खरं. ती बोलते ते नेहमी योग्य असतं. स्टोरी हिच आहे. इतिहास नेहमी पावरफुल लोक लिहितात. तोच इतिहास पुढे प्रचलित होतो."

"तिने जेव्हा विचारला तेव्हा ती खरंच खूप लहान होती. मी तिच्यापेक्षा सहा वर्षांनी मोठा आहे. आम्ही लग्न केल्यानंतर महाबळेश्वरला हनिमूनला गेलो तेव्हा तिथे कोणालातरी फोन देऊ आमचा फोटो काढा असं सांगायला लागायचं. अमृता इतकी छोटी दिसत होती माझ्याबाजूला. आम्ही त्या माणसाला सांगितलं फोटो काढाल का? त्याने आमचा फोटो काढला आणि म्हणाला, स्कूल ट्रिप? म्हणजे त्याला वाटलं की मास्तरांनी एका पोरीला साइडला काढलेलं आहे."