मनोज बाजपेयींची रिअल लाईफ पत्नी, 49 व्या वर्षीही देते भल्याभल्या अभिनेत्रींना टक्कर, पाहा PHOTO

बॉलिवूडमधील एक प्रतिष्ठित अभिनेता म्हणून मनोज बाजपेयी यांची ओळख आहे. दमदार अभिनय आणि प्रत्येक प्रकारचं पात्र साकारण्याची त्यांची क्षमता प्रेक्षकांना नेहमीच प्रभावित करत आली आहे. मनोज बाजपेयी सध्या 'द फॅमिली मॅन 3' (The Family Man Season 3) मुळे चर्चेत आहेत. तसेच त्यांच्या आगामी प्रोजेक्टचीदेखील चाहत्यांना उत्सुकता आहे.

मनोज बाजपेयी यांच्या कुटुंबात ते एकटेच कलाकार नाहीत. त्यांची पत्नी शबाना रजा ज्या नेहा या नावानेही ओळखल्या जातात. शबाना रजा या देखील एक उत्कृष्ट अभिनेत्री आहेत. सौंदर्याच्या बाबतीतही त्या कोणत्याही बॉलिवूड हिरोईनपेक्षा कमी नाही. वयाच्या 49 वर्षातही 25 वर्षांच्या तरुणीला टक्कर देणारं शबाना यांचं सौंदर्य आहे. त्यांनी बॉबी देओल आणि ऋतिक रोशनसोबत ऑनस्क्रीन रोमान्सदेखील केला आहे.

शबानाला निर्माते विधू विनोद चोप्रा यांनी करीब (1998) या चित्रपटातून लॉन्च केले. केवळ इतकेच नव्हे, तर त्यांनी शबानाला त्यांच्या पात्राचे नाव म्हणजेच 'नेहा' वैयक्तिक आयुष्यातही स्वीकारण्याचा सल्ला दिला. त्यामुळे शबानाला 'नेहा' हे नाव पडले. मात्र त्यांना ते फारसे आवडले नाही. अनेक वर्षांनी दिलेल्या एका मुलाखतीत शबानाने सांगितले की त्यांना नेहाच्या व्यक्तिमत्त्वात स्वतःला बसवावे लागले, परंतु त्यांना त्यांचे खरे नाव 'शबाना' हे अधिक प्रिय होते.

'करीब' या चित्रपटात शबाना आणि बॉबी देओल स्क्रीन शेअर करताना दिसले. त्यांच्या निरागसतेने आणि सुंदर हास्याने प्रेक्षकांची मने जिंकली. 'होगी प्यार की जीत' या चित्रपटातही शबाना अजय देवगनसोबत झळकल्या. शबानाची ऋतिक रोशनसोबतची जोडी तर प्रेक्षकांना विशेष आवडली. विशेषतः फिजा चित्रपटामुळे शबाना सर्वाधिक लोकप्रिय झाल्या. या चित्रपटात त्या ऋतिकसोबत दिसल्या होत्या.

'फिजा' या चित्रपटातील 'आजा माहिया' या गाण्यात शबाना ऋतिकसोबत झळकल्या होत्या. याशिवाय त्यांनी एहसास – द फीलिंग, कोई मेरे दिल में है, आत्मा आणि अ‍ॅसिड फॅक्टरी या चित्रपटांमध्येही काम केले. सुमारे एका दशकात फक्त 11 चित्रपट केल्यानंतर शबानाने कुटुंबाकडे लक्ष देण्याचा निर्णय घेतला आणि अभिनयक्षेत्राला रामराम केला.

'करीब'च्या रिलीज नंतर मनोज बाजपेयी आणि दोघांची पहिली भेट झाली. दिग्दर्शक हंसल मेहता यांनी आयोजित केलेल्या एका पार्टीत पहिल्यांदा मनोज बाजपेयी आणि शबाना एकमेकांना भेटले. मनोज यांनी अनेक मुलाखतीत या घटनेचा उल्लेख केला आहे आणि सांगितले की शबानाच्या साधेपणाने ते पहिल्याच भेटीत तिच्या प्रेमात पडले होते. शबाना पार्टीत तेल लावलेले केस, नो मेकअप लुकमध्ये आली होती.

शबानाने कुटुंबासाठी आपल्या करिअरला दूर केलं. सुमारे आठ वर्षांच्या रिलेशननंतर 2006 मध्ये मनोज आणि शबाना यांनी लग्न केलं होतं. त्यांनी आंतरधर्मीय विवाह केला होता विशेष म्हणजे दोघांच्याही घरुन याा आक्षेप नव्हता. लग्नानंतर शबानाने एका मुलीला जन्म दिला. 2024 मध्ये शबानाने मनोजच्या 'भैय्या जी' या चित्रपटाच्या सह-निर्मात्याच्या रूपात चित्रपटसृष्टीत कमबॅक केलं.