'असावा सुंदर स्वप्नांचा बंगला' मालिकेतील छोटी ईश्वरी आठवतेय! 14 वर्षांनी इतकी बदललीये, Latest Photo

काही कलाकृती प्रेक्षकांच्या मनात कायम घर करून राहतात. अनेक मालिका आणि त्यातील कलाकार वर्षानुवर्ष प्रेक्षकांच्या लक्षात असतात. अशीच एक मालिका आणि त्यातली छोटी चिमुकली अनेक वर्षांनी समोर आली.

ई टीव्ही मराठीवरील 'असावा सुंदर स्वप्नांचा बंगला' ही मालिका तुम्हाला आठवत असेल. या मालिकेनं प्रेक्षकांची मनं जिंकली. ईश्वरी आणि आरवची स्टोरी प्रेक्षकांनी प्रचंड भावली.

या मालिकेत छोट्या ईश्वरीची भूमिका साकारणारी ती चिमुकली आठवतेय का! तिच्या गोड, निरागस अभिनयानं प्रेक्षकांना अक्षरश: भुरळ घातली. ती छोटी चिमुकली आता खूप मोठी झाली आहे.

मृण्मयी सुपल हिनं मालिकेत छोट्या ईश्वरीची भूमिका साकारली होती. मृण्मयी आता खूप मोठी झाली आहे. तिचा लूक बदलला आहे पण तिच्यातली निरागसता आजही तशीच आहे.

'असावा सुंदर स्वप्नांचा बंगला' या मालिकेला नुकतीच 14 वर्ष पूर्ण झाली. यानिमित्तानं ईश्वरीने मालिकेतील काही फोटो शेअर करत आठवणींना उजाळा दिला आहे. छोट्या ईश्वरीला अनेक वर्षांनी पाहून प्रेक्षकांनीही आनंद व्यक्त केला आहे.

'असावा सुंदर स्वप्नांचा बंगला' या मालिकेनंतर मृ्ण्मयीनं स्टार प्रवाहवरील 'डॉ. बाबासाहेब आंबेडकर' या मालिकेतही काम केलं. या मालिकेत तिनं छोट्या रमाबाईंची भूमिका साकारली होती. छोट्या रमा बाईंची भूमिका देखील मृण्मयीनं उत्तर साकारली होती. प्रेक्षकांनी तिचं खूप कौतुक केलं होतं.

मृण्मयीचं शिक्षण पूर्ण झालं असून ती सध्या अभिनय क्षेत्रात वेगवेगळी काम करत आहेत. तिचं एक नातं असही हे नवं नाटक रंगभूमीवर आलं आहे. या नाटकालाही प्रेक्षकांचा चांगला प्रतिसाद मिळत आहे.

मृण्मयीनं तिच्या पहिल्या मालिकेच्या काही आठवणी सांगितल्या. तसंच तिला आलेला एक अनुभव देखील शेअर केला. तिने पोस्टमध्ये लिहिलंय, "सगळे म्हणतात की मालिका संपली की सगळे जण ती विसरून जातात. खरंच असे होते का? आज माझ्या पहिल्या मुख्य भूमिका असलेल्या मालिकेला 'असावा सुंदर स्वप्नांचा बंगला' 14 वर्षे पूर्ण झाली."

"मी तशी सोशल मीडियावर फार पोस्ट करणारी व्यक्ती नाही, पण जेव्हा हा व्हिडिओ माझ्या Snapchat memories मध्ये अचानक समोर आला, तेव्हा स्वतःला थांबवू शकले नाही. त्या व्हिडिओमध्ये माझ्या प्रवासातील कितीतरी हळवे आणि जपून ठेवावे असे क्षण होते."

मृ्ण्मयीनं एक व्हिडीओ शेअर केला आहे ज्यात एक ब्लाइंड मुलगी भेटली. कॉलेजमध्ये असताना मृण्मयीनं तिच्यासाठी परिक्षेत राइटरचं काम केलं होतं. त्या मुलीने मृण्मयीचा आवाज ऐकून ती अभिनेत्री असल्याचं ओळखलं. तिने तिचं कौतुक केलं आणि दिसत नसलं तर तुझी मालिका मी ऐकली होती असंही सांगितलं. हे ऐकून मृण्मयी खूप भावुक झाली.