Guess Who : काँग्रेस नेत्याची मुलगी, हॉट लुकमुळे सतत असते चर्चेत, सुपरहिट सिनेमांत केलंय काम

बॉलिवूड आणि राजकारण यांचा नेहमीच संबंध येत असतो. कधी चित्रपटांमध्ये राजकीय कथा दाखविल्या जातात, तर कधी राजकारणातील घराण्यांतील लोक चित्रपटसृष्टीत आपले नशीब आजमावतात. काही तारे असेही आहेत, ज्यांनी राजकीय वारसा मागे सोडून स्वतःची वेगळी ओळख निर्माण केली. अशीच एक अभिनेत्री म्हणजे नेहा शर्मा.

अभिनय क्षेत्रात पाऊल ठेवल्यानंतर आपला ग्लॅमरस अंदाज आणि स्टाइलमुळे नेहाने प्रेक्षकांच्या मनात खास स्थान निर्माण केले आहे. तिच्या अदांवर लोक खूप फिदा आहेत. सोशल मीडियावर तिचं मोठं फॅन फॉलोइंग आहे आणि लोक तिच्या सौंदर्याची सतत प्रशंसा करत असतात.

नेहा शर्माचा जन्म बिहारमधील भागलपूर येथे झाला. तिचे वडील अजीत शर्मा हे बिहारमधील काँग्रेस नेते आहे. काही दिवसांपूर्वी नेहा शर्मा आपल्या वडिलांच्या निवडणूक प्रचारादरम्यान दिसली होती. सोशल मीडियावर प्रचारादरम्यानचे अभिनेत्रीचे फोटो व्हायरल झाले होते. नेहाची बहीण आयशा शर्मा अभिनेत्री असून ती जॉन अब्राहमसोबतच्या चित्रपटात दिसली आहे. तर तिची दुसरी बहीण रितिका शर्मा इंडस्ट्रीपासून दूर आहे.

नेहा शर्माने 2007 मध्ये 'चिरुथा' या तेलुगू चित्रपटाच्या माध्यमातून आपल्या करिअरची सुरुवात केली. त्यानंतर 2010 मध्ये तिने बॉलिवूडमध्ये पदार्पण केले. क्रूक हा तिचा पहिला बॉलिवूडपट होता. या चित्रपटात नेहा शर्मा इमरान हाशमीसोबत स्क्रीन शेअर करताना दिसली. बॉक्स ऑफिसवर जादू दाखवण्यात हा सिनेमा कमी पडला. पण नेहाचा अभिनय आणि ग्लॅमरस लुकने चाहत्यांचं लक्ष वेधून घेतलं.

नेहा शर्मा गेल्या 16 वर्षांपासून फिल्म इंडस्ट्रीत सक्रिय आहे आणि या काळात तिने अनेक चित्रपटांत काम केले आहे. यात क्या सुपर कूल हैं हम, यमला पगला दीवाना 2, यंगिस्तान, तुम बिन 2, सोलो आणि तान्हाजी यांसारख्या चित्रपटांचा समावेश आहे.

नेहाला तिच्या चित्रपटांपेक्षा तिच्या ग्लॅमर आणि फॅशन सेन्ससाठी अधिक ओळखले जाते. तिने एनआयएफटी (नॅशनल इन्स्टिट्यूट ऑफ फॅशन टेक्नॉलॉजी) मधून फॅशन डिझाइनिंगचे शिक्षण घेतले आहे. सोशल मीडियावर तिची प्रचंड फॅन फॉलोइंग आहे. इंस्टाग्रामवर तिचे 20 दशलक्षांहून अधिक फॉलोअर्स आहेत. तिचे फोटो आणि रील्स अनेकदा व्हायरल होतात. नेहा फिटनेस शौकीनदेखील आहे.

नेहा शर्मा काही दिवसांपासून वैयक्तिक आयुष्यामुळे चर्चेत आहे. रिपोर्टनुसार, नेहा शर्मा क्रोएशियाच्या 33 वर्षीय व्यावसायिक फुटबॉलर पीटर स्लिस्कोव्हिकला डेट करत आहे. दोघे अनेकदा एकत्र स्पॉट झाले आहेत.