बॉलिवूडची सर्वांत श्रीमंत अभिनेत्री, जिचं मुंबईच्या मलाबार हिलमध्ये घर, 2200 स्क्वेअर फूटमध्ये पसरलंय साम्राज्य, कोण आहे ती?

मुंबई: ९० च्या दशकातील सर्वाधिक लोकप्रिय अभिनेत्रींपैकी एक, जुही चावला हिची लव्हस्टोरी इतर बॉलिवूड कलाकारांपेक्षा खूप वेगळी आहे. जुहीने एका शांत आणि अभ्यासू उद्योगपती जय मेहता यांच्यासोबत लग्न केलं. जुही आणि जय यांचं लग्न म्हणजे बॉलिवूडमधील ग्लॅमर आणि उद्योगजगत यांचा अनोखा संगम आहे.

जुही चावलाच्या आयुष्यात येण्यापूर्वी जय मेहतांच्या जीवनात एक मोठे दुःखद वळण आले होते. जय मेहता यांची पहिली पत्नी सुजाता बिर्ला यांचा एका विमान अपघातात मृत्यू झाला होता.

पत्नीच्या निधनानंतर जय मेहतांच्या आयुष्यात मोठी पोकळी निर्माण झाली होती. ते स्वभावाने खूप शांत आणि एकटे राहण्याचे हेच कारण मानले जाते. जुही चावलाने तिच्या उत्साहाने जय मेहतांच्या आयुष्यातील ही पोकळी पूर्ण केली.

जय मेहता जागतिक स्तरावरील 'मेहता ग्रुप'चे अध्यक्ष आहेत. मेहता ग्रुप सिमेंट, साखर, ऊर्जा आणि कापड उद्योगांमध्ये कार्यरत आहे. भारतात आणि आफ्रिकेमध्ये त्यांचा व्यवसाय विस्तारलेला आहे. या ग्रुपची किंमत ४,१७१ कोटींहून अधिक आहे. तीन दशकांहून अधिक अनुभव असलेले जय मेहता अत्यंत हुशार उद्योजक म्हणून ओळखले जातात.

जुही आणि जय मेहता हे मलबार हिल, मुंबईतील एका आलिशान बंगल्यात राहतात, जे मुंबईतील सर्वात महागड्या रेसिडेंशिअल एरिआपैकी एक आहे. या जोडप्याने नेहमीच लो प्रोफाइल राहणे पसंत केले असून आपल्या आयुष्यात प्रसिद्धीपेक्षा कुटुंब आणि समाजकार्याला अधिक महत्त्व दिले आहे.

जुही आणि जय मेहता यांना जाह्नवी आणि अर्जुन अशी दोन मुले आहेत. जुही चावला आणि जय मेहता हे दोन वेगळ्या क्षेत्रातील असूनही त्यांनी एक सुखी, समाधानी आणि शांत वैवाहिक जीवन निर्माण केले आहे.