Marathi Actress : 'मी ब्रोकन मॅरेजचं प्रोडक्ट', 14 वर्षांचा सुखी संसार तरी स्वत:बद्दल असं का म्हणाली मराठी अभिनेत्री?

कलाकारांच्या आयुष्यातही अनेक अप्स अँड डाऊन्स येत असतात. अशाच एक प्रसिद्ध अभिनेत्रीनं स्वत: मी ब्रोकन मॅरेजचं प्रोडक्ट असल्याचं म्हटलं आहे. अभिनेत्रीचं हे स्टेटमेन्ट चर्चेत आलं आहे. अभिनेत्री स्वत: ला असं का म्हणाली.

ही प्रसिद्ध अभिनेत्री गेली 14 वर्ष तिचा सुखी संसार करतेय. तिला 12 वर्षांचा मुलगा आहे. तिचा नवरा देखील मनोरंजन क्षेत्रात कार्यरत आहे.

ही  अभिनेत्री गेली 20-25 वर्षांपासून मराठी, हिंदी तसंच गुजराती इंडस्ट्रीत काम करतेय. तिच्या कामाचं आजवर सगळ्यांनी कौतुक केलं आहे.

अभिनेत्री तिचं ऑनस्क्रिन आयुष्य नेहमीच यशाच्या शिखरावर होतं. मात्र तिचं बालपण अनेक कठीण प्रसंगामधून गेलं आहे. अभिनेत्री वडिल देखील मराठी सिनेसृष्टीतील प्रसिद्ध अभिनेते आहेत.

आपण ज्या अभिनेत्रीबद्दल बोलतोय ती अभिनेत्री म्हणजेच गिरिजा ओक. ती सध्या नॅशनल क्रश म्हणून ओळखली जातेय. गिरीजानं निळ्या साडीत सगळ्यांना सगळ्यांची मनं जिंकून घेतलीत.

नुकत्याच एका मुलाखतीत बोलताना गिरीजानं तिच्या आई-वडिलांच्या डिवोर्सवर वक्तव्य केलं. हॉटरफ्लॉयला दिलेल्या मुलाखतीत बोलताना गिरीजा म्हणाली, "माझ्या आईवडिलांमध्ये काही मतभेद होते. ज्या गोष्टी मला माहिती होत्या आणि काही काळानंतर त्यांचा डिवोर्स झाल्या. सगळं अचानक झालं असं काही झालं नाही, या सगळ्या गोष्टींमधून मी अनेक दिवस जात होते. दररोजचं आयुष्य सुरू होतं. कॉलेज, टेस्ट या सगळ्या गोष्टींचा स्ट्रेस होता त्यात मागे या गोष्टी देखील सुरू होत्या."

"मला कळत नव्हतं की मला काय होतं, किंवा मला काही तरी होतंय हे देखील कळत नाही. इतक्या वर्षांपासून मी जो तणाव घेतला होता त्याला माझं शरीर अशा पद्धतीने रिअँक्ट होतं होतं. पण हा स्ट्रेस आहे हे मला माहिती नव्हतं."

गिरीजा पुढे म्हणाली, "मला वाटलेलं की माझ्या शरीरात काहीतरी प्रॉब्लेम आहे. मी डॉक्टरांकडे गेले तेव्हा मी त्यांना विचारलं की, मला काहीतरी होतंय पण मला कळत नाहीये काय होतंय. काही हार्टशी रिलेटेड आहे का? तेव्हा त्यांनी मला सांगितलं की मला कोणाशी तरी बोलायची गरज आहे. तेव्हा मी तेव्हा मग मी थेरेपी आणि मेडिकेशन सुरू केलं. कारण हे माझ्यासोबत कधीही होत होतं."

"आईवडिलांच्या घटस्फोटाबद्दल मी कुणाशीच काहीच बोलले नव्हते. कारण काय बोलू हेच मला कळत नव्हतं. अनेकदा असंही असतं की घरातल्या गोष्टी असतात. मला असं का होतंय हे सांगताना मला सगळं सांगावं लागेल."

बालपणापासून असलेला ट्रॉमा आणि त्यातून स्वत:ला कसं बाहेर काढलं हे सांगताना गिरीजा म्हणाली, "मी फेल, ब्रोकन मॅरेजचं प्रोडक्ट आहे हे ओझं घेऊन मी जगते. मी छोटी होते, माझं लग्न झालेलं नव्हतं तेव्हा मी हाच विचार करायचे की, मी हे करून दाखवेन, मी माझं लग्न टिकवून दाखवेन. हे प्रेशर मी स्वत:हून घेतलं होतं. मी त्याच दृष्टिकोनातून रिलेशनशिपकडे बघत होते."

"सुदैवाने मी अशा माणसाशी लग्न केलंय जो माझा खूप चांगला मित्र आहे. मी सुह्रुतशी कोणत्याही गोष्टीवर बोलू शकते, चांगली-वाईट कोणतीही गोष्ट. आम्हाला आमच्या चांगल्या-वाईट सगळ्या गोष्टी माहिती आहेत.आम्ही आता गेली 17 वर्ष एकत्र आहोत. लग्नाला 14 वर्ष झालीत."