माधुरीचा सर्वात मोठा फॅन! फिल्म पाहायला बुक केलं अख्खं थिएटर; 1-2 नव्हे 73 वेळा पाहिलाय हा सुपरहिट सिनेमा

धक-धक गर्ल माधुरी दीक्षित नेहमीच कोणत्या ना कोणत्या कारणाने चर्चेत असते. लहान मुलांपासून ते वयोवृद्धांपर्यंत अभिनेत्रीचा मोठा चाहतावर्ग आहे. सर्वसामान्यांपासून ते मोठ्या सेलिब्रिटींपर्यंत सर्वच मंडळीना माधुरीने वेड लावलं आहे. आजच्या घडीला माधुरी दीक्षित चित्रपटसृष्टीत कमी सक्रीय असली तरी सोशल मीडियावर मात्र चांगलीच चर्चेत असते.

90 च्या दशकात माधुरी दीक्षितच्या सौंदर्यावर अभिनेत्यांपासून ते दिग्दर्शकांपर्यंत सारेच वेडे होत असत. पण माधुरी दीक्षित मात्र डॉक्टर श्रीराम नेने यांच्या प्रेमात पडली आणि त्यांच्यासोबत लग्नबंधनात अडकली.

धक-धक गर्लचं करिअर पीकवर असताना एक चाहता माधुरीसाठी कोणत्याही थराला जायला तयार होता. माधुरीसाठी वेडा झालेल्या या चाहत्याने 'हम आपके है कौन' हा चित्रपट एक-दोन नव्हे 73 वेळा पाहिला.

माधुरी दीक्षितचा हा चाहता कोणी सर्वसामान्य व्यक्ती नसून देशातील एक लोकप्रिय सेलिब्रिटी होता. या व्यक्तीचं नाव 'एम.एफ. हुसैन' असं आहे. ज्यांना प्रेमाने 'हुसैन साहब' म्हटलं जायचं.

लोकप्रिय चित्रकार हुसैन साहब माधुरी दीक्षितचे मोठे चाहते होते. पुढे अभिनेत्रीसोबत त्यांनी 'गजगामिनी' हा चित्रपट बनवला. 2000 मध्ये हा चित्रपट प्रेक्षकांच्या भेटीला आला होता. या चित्रपटात माधुरी मुख्य भूमिकेत असून हुसैन साहब यांनी या चित्रपटाच्या दिग्दर्शनाची धुरा सांभाळली होती. या चित्रपटात माधुरीसह शबाना आजमी आणि नसीरुद्दीन शाहदेखील महत्त्वाच्या भूमिकेत झळकले होते. त्यावेळी बॉक्स ऑफिसवर हा चित्रपट फ्लॉप ठरला होता.

माधुरी दीक्षित 'भूल भुलैया 3' या चित्रपटात शेवटची झळकली होती. या चित्रपटात तिने मंजुलिका हे पात्र साकारले होते. माधुरीने 1984 मध्ये आपल्या फिल्मी करिअरची सुरुवात केली होती. त्यानंतर तिने कधीही मागे वळून पाहिलं नाही आणि एकापेक्षा एक सुपरहिट, ब्लॉकबस्टर चित्रपट दिले. आजवर 'धक धक गर्ल'ने 70 पेक्षा अधिक चित्रपटांत आपल्या अभिनयाची छाप पाडली आहे.