Guess Who : 22 कंपन्यांची मालकीण, 2 घटस्फोट झालेल्या बिझनेसमॅनसोबत थाटलाय संसार, ही मराठी अभिनेत्री कोण?

मराठी मनोरंजनसृष्टीतील प्रसिद्ध अभिनेत्री नेहा पेंडसे आज आपला 40 वा वाढदिवस साजरा करत आहे. नेहा पेंडसेने आजवर अनेक मराठी-हिंदी चित्रपटांत आपल्या अभिनयाची छाप पाडली आहे. तेलुगू, तामिळ, मल्याळम चित्रपटांतही तिने काम केलं आहे.

आपल्या व्यावसायिक कामांसह वैयक्तिक आयुष्यामुळेच अनेकदा ही अभिनेत्री चर्चेत आली आहे. अभिनेत्री आजच्या घडीला 22 कंपन्यांची मालकीण आहे. आता 2 मुलींच्या वडिलांसोबत तिने तिसरा संसार थाटला आहे.

सर्वाधिक मानधन घेणाऱ्या अभिनेत्रींमध्ये या मराठी अभिनेत्रीचा समावेश होतो. टीव्ही मालिका, चित्रपट, बँड एंडोर्समेंट, जाहिराती आणि प्रमोशनल अॅक्टिव्हिटीच्या माध्यमातून ती चांगलेच पैसे कमावते.

एकता कपूरच्या 'कॅप्टन हाऊस' या मालिकेच्या माध्यमातून या अभिनेत्रीने आपल्या करिअरची सुरुवात केली. पुढे 1999 मध्ये 'दाग: द फायर' या चित्रपटाच्या माध्यमातून तिने बॉलिवूडमध्ये पदार्पण केलं. इंडस्ट्रीत नवीन असताना तिला एकदा कास्टिंग काउचचाही सामना करावा लागला होता.

आपल्या व्यावसायिक कामांपेक्षा वैयक्तिक आयुष्यामुळे ही अभिनेत्री जास्त चर्चेत आली आहे. 2020 मध्ये उद्योगपती शार्दुल सिंहसोबत ही अभिनेत्री विवाहबंधनात अडकली. शार्दुलसोबत लग्न केल्यानंतर तिला प्रचंड ट्रोलिंगचा सामना करावा लागला होता.

नेहा पेंडसेने शार्दुल सिंहसोबत लग्न केलं तेव्हा त्याचा दोन वेळा घटस्फोट झालेला होता. महत्त्वाचे म्हणजे त्याला दोन मुलीदेखील होत्या. करोडपती उद्योगपतीची तिसरी बायको झाल्यानंतर नेहा पेंडसेवर प्रचंड टीका झाली.

नेहा पेंडसेचा पती शार्दुल सिंह 22 कंपन्या चालवतो. त्याची एकूण संपत्ती 10,558 कोटी रुपयांच्या आसपास आहे. नेहा पेंडसेचे 'नटसम्राट','बाळकडू', स्वामी, जून असे अनेक चित्रपट प्रेक्षकांच्या पसंतीस उतरले आहेत.