ड्रेसिंग टेबलवर खूप सारे परफ्यूम अन्... परवीन बाबींच्या बेडरूममध्ये जाताच महेश भट्ट यांच्या अंगावर आलेला काटा

महेश भट्ट आणि परवीन बाबी यांची लव्हस्टोरी एकेकाळी खूप गाजली. 1970 च्या दशकात परवीन बाबी यांचे महेश भट्ट यांच्यावर खूप प्रेम होते. पण परवीन यांना मानसिक आजार झाल्याने महेश भट्ट यांनी त्यांना सोडलं. बॉलिवूडमधील ही दु:खद प्रेमकथा रुपेरी पडद्यावरदेखील दाखवण्यात आली आहे.

'अर्थ' या फिल्ममध्ये महेश भट्ट यांच्या या एक्स्ट्रा मॅरिटल अफेअरची गोष्ट दाखवण्यात आली होती. लग्न झालेले महेश भट्ट परवीन बाबीच्या प्रेमात पडले त्यावेळी त्यांच्या लव्हस्टोरीची इंडस्ट्रीत चांगलीच चर्चा झाली.

महेश भट्ट एकदा फिल्मफेअरला दिलेल्या मुलाखतीत म्हणाले होते,"1979 च्या एका संध्याकाळी मी जुहू अपार्टमेंटमधील माझ्या घरी गेलो होतो. त्यावेळी परवीनची आई जमाल बाबी रडवलेल्या अवस्थेत म्हणाली,'बघ. परवीनला काय झालंय".

महेश भट्ट म्हणाले,"मी बेडरूममध्ये जाऊन पाहिलं तर परवीनने ड्रेसिंग टेबलवर एका सरळ रेशेत खूप सारे परफ्यूम्स ठेवले होते. परवीनने एका फिल्मचे कॉस्ट्यूम परिधान केले होते आणि बेडरूममधील एका कोपऱ्यात हातात चाकू घेऊन ती बसली होती. त्यावेळी माझ्या अंगावर शहारे आले होते".

महेश भट्ट यांनी त्यावेळी परवीनला विचारलं की काय झालं?. त्यावेळी ती म्हणालेली,"शशशश... शांत बस, काही बोलू नकोस. खोलीत कॅमेरा लावला आहे. ते लोक मला मारण्याचा प्रयत्न करत आहेत. ते माझ्या डोक्यात झुंबर पाडतील". त्यानंतर परवीन महेश भट्ट यांचा हात पकडून त्यांना बाहेर घेऊन गेली". महेश भट्ट यांना त्यावेळी पहिल्यांदा परवीन यांच्या आजाराबाबत माहिती मिळाली.

परवीनला अनेक गोष्टींची भीती वाटत असे. अमिताभ बच्चन मला मारुन टाकतील असंही परवीन यांना वाटत होतं. अखेर 2005 मध्ये परवीन बाबी यांचे अनेक कॉम्प्लिकेशन्समुळे निधन झाले.

महेश भट्ट आणि परवीन यांच्या रिलेशनची सुरुवात 1977 मध्ये झाली होती. महेश भट्ट यांनी परवीन बाबीसाठी आपली पत्नी लॉरेन आणि बेटी पूजा यांना सोडलं होतं. त्यावेळी महेश भट्ट फ्लॉप फिल्ममेकर होते. तर परवीन बाबी टॉप स्टार होती.