रजनीकांत यांचा जीव धोक्यात? घराबाहेरील सुरक्षेत वाढ, पोलिसांना मिळाली महत्त्वाची माहिती

मनोरंजन विश्वातून धक्कादायक बातमी समोर आली आहे. साऊथ सुपरस्टार रजनीकांत यांचं घर बॉम्बने उडवून देण्याची धमकी देण्यात आली आहे.

सोमवारी सकाळी पोलिसांनी एक ईमेल आणि त्यामुळे एकच खळबळ उडाली. रजनीकांत यांचं पोएस गार्डनर येथील घर बॉम्बने उडवण्याची धमकी देण्यात आली.

टाइम्स ऑफ इंडियाच्या बातमीनुसार, तामिळनाडूच्या डीजीपी ऑफिसमध्ये मेल आला होता. सूचना मिळताच पोलिसांनी कारवाई केली.

तैनमपेट पोलिसांच्या टीमने रजनीकांत यांच्या घराभोवती सुरक्षा तैनात केली. त्यानंतर डिटेक्शन अँड डिस्पोजल क्वॉडही बोलावण्यात आला.

टीमने रजनीकांत यांच्या घराची आणि संपूर्ण परिसराची पाहणी केली परंतु कोणत्याही पद्धतीची संदिग्ध वस्तू आढळली नाही.

त्यानंतर अधिकाऱ्यांनी तो मेल बनावट असल्याचं सांगितलं. तो मेल नक्की कोणी केला याचा तपास सुरू आहे.

दरम्यान रजनीकांत यांचा पोएस गार्डनर येथील बंगला हा चेन्नईमधील सर्वात सुरक्षित आणि प्रतिष्ठित जागांमधील एक मानला जातो. या ठिकाणी काय सुरक्षा व्यवस्था तैनात असते.