'शाळेत कोणालाच आवडायचे नाही, माझं बुलिंग करायचे', OTT च्या रॉकस्टार अभिनेत्रीचा शॉकिंग खुलासा

ओटीटी </a>विश्वातही आपली छाप सोडली आहे. दिल्ली क्राइम सारख्या सीरिजमधून तिनं आपली वेगळी ओळख निर्माण केली आहे." width="1080" height="1350" /> बॉलिवूडची मोस्ट टॅलेंटेड अभिनेत्रींपैकी एक अभिनेत्री म्हणजे शेफाली शाह. फक्त सिनेमा नाही तर शेफालीनं ओटीटी विश्वातही आपली छाप सोडली आहे. दिल्ली क्राइम सारख्या सीरिजमधून तिनं आपली वेगळी ओळख निर्माण केली आहे.

दरम्यान एका मुलाखतीत बोलताना शेफालीनं तिच्याबरोबर शाळेत होणारा प्रकार सांगितला. शाळेत तिला तिच्या रंगावरून हिणवलं जायचं. रस्त्यात तिची खोड काढली जायची.

टाइम्स नाउला दिलेल्या मुलाखतीत बोलताना शेफाली म्हणाली, "तुम्ही मोठे होत असताना तुम्हाला सतत सांगितलं जातं की तुम्ही सुंदर नाहीत. मला शाळेत खूप त्रास दिला जायचा. कुणालाही मी आवडायचे नाही. एक मुलगी होती जी मला खूप मारायची. ती मला 'तेलू' म्हणायची आणि चिडवायची."

"तू थोडी बारीक झालीस तर खूप छान दिसशील असं मला सगळे सांगायचे, हे मी खूपदा ऐकलं आहे. अशा अनेक गोष्टी नेहमी घडायच्या."

शेफालीला तिचं कौतुक ऐकायला आवडत नाही. ती म्हणाली, "मला माझं रूप आवडत नाही. मला वाटत नाही की मी कधी इतकी बारीक होऊ शकेन. मी कधीच तशी होणार नाही. फारच क्वचित प्रसंगी मी आरशात पाहून स्वतःला म्हणते, ‘अरे वा! मी छान दिसतेय.’ पण बहुतांश वेळा मला तसं वाटतच नाही."

"जेव्हा कोणीही माझं कौतुक करत की तू खूप सुंदर दिसते तेव्हा मला ते कौतुक स्वीकारताच येत नाही."

News18 ला दिलेल्या एका जुन्या मुलाखतीत बोलताना शेफालीनं तिची रस्त्यात छेड काढल्याचा प्रसंग सांगितला होता. ती म्हणाली होती, "मला आठवतंय मी खूप लहान होते आणि शाळेतून परत येत असताना बाजारात ही घटना घजली होती. मी काहीच करू शकले नाही. मी फारच लहान होते. खूप घाबरलेली होते, आणि कुणीही माझी मदत केली नाही. तिथे गर्दी होती हे कारण दिलं जातं.  जवळजवळ प्रत्येक महिलेनं आयुष्यात कधी ना कधी असा अनुभव घेतलेलाच असतो."

शेफाली शाहच्या वर्कफ्रंटबद्दल सांगायचं झाल्यास, ती 'दिल्ली क्राइम सीझन 3' मध्ये डीआयजी वर्तिका चतुर्वेदी यांच्या भूमिकेत दिसली आहे. या नव्या सीझनमध्ये रसिका दुगल, राजेश तैलंग, हुमा कुरैशी, सयानी गुप्ता, मीता वशिष्ठ, अंशुमन पुष्कर आणि केली दोरजी हे कलाकारही आहेत.