नटांच्या व्यसनांमुळे नाटकं बंद पडली! अभिनेते सुनीत तावडे यांनी सांगितली इंडस्ट्रीची काळी बाजू

मराठी इंडस्ट्रीला नाटकांचा समृद्ध वारसा लाभला आहे. अनेक दशकं मराठी नाटकं सुरू आहेत. प्रेक्षकवर्गही मोठ्या आवडीनं नाटकं पाहायला नाट्यगृहात जातात. पण मधला एक काळ असा होता जेव्हा मराठी नाटकांकमध्ये प्रेक्षकांनाही पाठ फिरवली.

त्याआधी अनेक नाटकं बंद होण्याचा काळ सुरू झाला होता. नाटकांना उतरती कळा लागली होती. प्रेक्षक नाही अशी बोंब अनेकदा ऐकू येत होतं. पण पडद्यामागे नेमकं काय घडायचं हे पहिल्यांदाच समोर आलं.

मराठी नाट्यसृष्टीतील ज्येष्ठ अभिनेते सुनील तावडे यांनी नुकत्याच दिलेल्या मुलाखतीत इंडस्ट्रीतील एक गंभीर आणि दुर्लक्षित बाजू समोर आणली आहे. नटांच्या व्यसनांमुळे अनेक यशस्वी नाटकं बंद पडल्याचं त्यांनी सांगितलं.

आरपारला दिलेल्या मुलाखतीत सुनीत तावडे म्हणाले, "मी नावं नाही घेत पण काही बरेचसे नट त्यांच्या व्यसनांमुळे एकापाठोपाठ.. त्यांचं निधन झालं. काही नाटकं बंद पडत गेली. प्रत्येकाची 4-5 नाटकं चालायची, हाऊसफुल गर्दी. त्यांच्या निधनानंतर नाटकं बंद पडली.

"एक अवकळा आली इंडस्ट्रिला. सगळं नाटकाचं गणित बिघडून गेलं. त्यामुळे दारुविषयी मला भयंकर चीड आहे."

सुनील तावडे पुढे म्हणाले "मी स्वतः कधी दारू, सिगरेट घेतली नाही. मी नॉनव्हेज पण खात नाही. त्या गोष्टीची चीड आहे कारण फटके पडलेत इंडस्ट्रिला."

अभिनेते सुनील तावडे आजही मराठी नाटक, मालिका आणि सिनेमांमध्ये काम करत आहेत. 'बाई तुझा आशीर्वाद' या नव्या मालिकेतून ते प्रेक्षकांच्या भेटीला येणार आहेत. ते सध्या 'भ्रमाचा बोपळा' या मराठी नाटकात काम करत आहेत. गेली अनेक त्यांनी अनेक मराठी नाटकांमध्ये काम केलं आहे.

सध्या मराठी रंगभूमीवर एकाहून एक सरस नाटकं प्रेक्षकांच्या भेटीला आली आहेत. मराठी नाटकांना सुगीचे दिवस आले आहेत. जे प्रेक्षक मराठी सिनेमांकडे पाठ फिरवत आहेत तेच प्रेक्षक मराठी नाटक मात्र आवडीने पाहताना दिसत आहेत.