Suraj Chavan : संजनासोबत लग्नानंतर सूरज चव्हाणची पहिली पोस्ट, म्हणाला, 'जी होती मनात ती...'

'बिग बॉस मराठी 5'चा विजेता सूरज चव्हाण अखेर विवाहबंधनात अडकला आहे. 29 नोव्हेंबर रोजी त्याने आपल्या मामाची मुलगी संजना गोफणे हिच्याशी सात फेरे घेतले.

मागील काही दिवसांत सूरज-संजना यांचे हळद, मेहेंदी, संगीतपासून लग्नापर्यंतचे अनेक व्हिडीओ आणि फोटो सोशल मीडियावर तुफान व्हायरल झाले होते. आता मात्र सर्वांच्या उत्सुकतेचा विषय असलेली सूरजची लग्नानंतरची पहिली पोस्ट समोर आली आहे.

लग्नानंतर पहिल्यांदाच सूरजने आपल्या इन्स्टाग्रामवर एक खास पोस्ट शेअर केली. या पोस्टमध्ये त्याने पत्नी संजनासोबतचे प्री वेडिंगचे फोटो शेअर केलेत. या लय भारी फोटोसह सूरजनं त्याच्या भाषेत झापुक झुपूक कॅप्शनही दिलं आहे. 

या पोस्टसह सूरजने त्याचं लव्ह मॅरेज असल्याची कबूलीही दिली आहे.  सूरजनं पोस्टमध्ये लिहिलंय, "जी होती मनात तीच बायको केली. Love Marriage Successful."  सूरजने आपल्या नात्याबद्दलचं समाधान, प्रेम आणि आनंद व्यक्त केला आहे. 

सूरज चव्हाणच्या या पोस्टवर चाहत्यांनीही शुभेच्छांचा वर्षाव केला आहे. त्याला अनेक शुभेच्छा आणि शुभाशीर्वाद दिलेत.  एका चाहत्यानं लिहिलंय, "असेच खुश राहा दोघेपण... आयुष्य भर सोबत राहा. सुखादुःखात जसे आजपर्यंत साथ देत आलेत एकमेकांना तसेच आयुष्यभर देत राहा. तुम्हाला पुढील वाटचालीसाठी आणि संसारासाठी खुप खुप शुभेच्छा."

दुसऱ्या युझरने लिहिलंय, "भावाने बोला तसं खरं केलं आधी करिअर मग लग्न" तर अनेकांनी, "कोणाची नजर नको लागलाय तुमच्या जोडीला", असं म्हणत हार्ट इमोजी शेअर केलेत.  

'बिग बॉस मराठी'मुळे सूरज चव्हाण हा प्रसिद्धीच्या झोतात आला. त्याचा साधेपणा, त्याचे संस्कार यामुळे तो कायमच प्रेक्षकांच्या मनात घर करून राहिला. बिग बॉसच्या घरातून बाहेर आल्यानंतरही त्याच्या साधेपणामुळे आणि डाऊन टू अर्थ वृत्तीमुळे त्याने तमाम महाराष्ट्राची मनं जिंकली.