कुठं कुठं जायाचं हनीमूनला! लग्नानंतर बायकोला घेऊन सूरज चव्हाण कुठे जाणार? सुंदर उखाणा घेत सांगितलं ठिकाण

'बिग बॉस मराठी'च्या पाचव्या पर्वाचा विजेता सूरज चव्हाण काहीच तासांत विवाहबंधनात अडकणार आहे. त्याच्या लग्नसोहळ्याची प्रत्येक अपडेट जाणून घेण्यास चाहते उत्सुक आहेत. मोठ्या थाटामाटात सूरज आणि संजना यांचा लग्नसोहळा पार पडणार आहे.

सूरज चव्हाण आज संजना गोफणेसोबत विवाहबंधनात अडकणार आहे. संजना ही सूरजच्या चुलत मामाची मुलगी आहे. दोघांच्या लग्नाची चाहत्यांना खूप उत्सुकता आहे. सूरजच्या हळदी आणि मेहंदीसोहळ्याचे फोटो सोशल मीडियावर चांगलेच व्हायरल झाले होते.

संजनाने आपल्या हातावर सूरजच्या नावाची मेहंदी काढली आहे. विशेष म्हणजे मेहंदीवर तिने खास सूरजचा फेमस डॉयलॉग 'झापुक झुपूक'देखील लिहिलं आहे. तसेच सूरज आणि संजना असंही या मेहंदीवर लिहिलेलं आहे.

सूरज चव्हाण आता लग्नासाठी रवाना झाला आहे. 2 कोटी रुपयांच्या आलिशान गाडीतून सूरज चव्हाणने लग्नमंडमात एन्ट्री केली आहे. लग्नमंडमात एन्ट्री करतानाचे त्याचे व्हिडीओ आणि फोटो सोशल मीडियावर व्हायरल होत आहेत.

सूरज चव्हाणच्या लग्नाला 'बिग बॉस मराठी'च्या पाचव्या पर्वातील अनेक स्पर्धक सहभागी होणार आहेत. 'किलर गर्ल' जान्हवी किल्लेकर आणि DP दादा अर्थात धनंजय पवार, इरिना रुडाकोवा हेदेखील सूरजच्या लग्नासाठी जेजुरी-सासवड याठिकाणी दाखल झाले आहेत. आणखी कोण-कोण सेलिब्रिटी आणि राजकीय मंडळी सूरजच्या लग्नसोहळ्याला उपस्थित राहणार आहेत हे काहीच तासांत समोर येईल.

सूरज चव्हाण आणि DP दादा यांचा एक व्हिडीओ सोशल मीडियावर व्हायरल होत आहे. या व्हिडीओमध्ये डीपी दादा सूरजला एक छान उखाणा घ्यायला सांगत आहेत. उखाणा घेत सूरज म्हणतोय,"आई मारी मातेचं दर्शन झालं. लग्न आहे उद्या, दादा महाबळेश्वरचं काय झालं?".

DP दादांनी सूरजच्या उखाणाच्या या व्हिडीओला 'कुठं कुठं जायाचं हनिमूनला' हे गाणं बॅकग्राऊंडला लावलं आहे. पण या व्हिडीओमध्ये सूरज चव्हाण लग्नानंतर महाबळेश्वरला हनिमूनला जाणार असल्याचं मात्र स्पष्ट होत आहे.