बाबो...! एकदम झापूक झूपूक, सूरज चव्हाणचं प्री-वेडिंग फोटोशूट पाहिलंत का! PHOTOS

'बिग बॉस मराठी'च्या पाचव्या सीझनचा विजेता सूरज चव्हाण येत्या 29 नोव्हेंबरला विवाहबंधनात अडकणार आहे. लग्नाच्या दोन दिवस आधी 'झापूक झूपूक' सूरज चव्हाणच्या प्री-वेडिंगचे फोटो सोशल मीडियावर व्हायरल झाले आहेत.

सूरज चव्हाणच्या लग्नाची सोशल मीडियावर चांगलीच चर्चा आहे. सासवड-जेजुरी या ठिकाणी 29 नोव्हेंबरला सूरजचा विवाहसोहळा पार पडणार आहे.

सूरजच्या प्री-वेडिंग फोटोशूटने मात्र चाहत्यांचं लक्ष वेधून घेतलं आहे. पुण्यातील Pixel City च्या सेटवर त्यांनी हे फोटोशूट केलं आहे. सूरजचा नेहमीपेक्षा हटके लूक खूपच कमाल आहे.

सूरज आणि संजना गोफणे यांनी वेस्टर्न आऊटफिटमध्ये हे फोटोशूट केलं आहे. व्हाईट टी-शर्ट आणि काळ्या रंगाचा सूट-बूट असा लुक सूरजने केला आहे. तर संजनाने लाल रंगाचा पार्टीवेअर गाऊन परिधान केला आहे.

सूरज आणि संजनाचा डेनिम लूकदेखील लक्ष वेधणारा आहे. कारण या फोटोमध्ये सूरज संजनाला गुलाबाची फुलं देताना दिसत आहे.

सूरजने खास पारंपारिक पेहरावातही फोटोशूट केलं आहे. संजनाने गुलाबी रंगाचा लेहेंगा परिधान केलाय. तर सूरज भाऊने पांढऱ्या रंगाचा इंडो-वेस्टर्न सूट परिधान केला आहे.

सूरज आणि संजना यांच्या लग्नाची चाहत्यांना आता उत्सुकता आहे. सूरज 29 नोव्हेंबरला सायंकाळी 6 वाजून 11 मिनिटांच्या शुभमुहूर्तावर लग्नबंधनात अडकणार आहे.