Health Tips: 'या' फळांसोबत चुकूनही पिऊ नका दूध; अन्यथा शरीराचं होईल मोठं नुकसान, आयुर्वेद काय सांगत?

बरेच लोक फळांसोबत दूध पिणे आरोग्यासाठी चांगले मानतात, पण तुम्हाला माहित आहे का असे केल्याने तुमच्या आरोग्याला गंभीर नुकसान होऊ शकते? आयुर्वेदात काही फळांसोबत दूध पिण्यास मनाई आहे. आज याचबद्दल सविस्तरपणे जाणून घेऊया...

बहुतेक लोक फळांसोबत दूध पिणे फायदेशीर मानतात. फळे खाल्ल्याने आणि दूध प्यायल्याने शरीराला भरपूर पोषक तत्वे मिळतात, असा त्यांचा समज असतो. पण तुम्हाला माहित आहे का की असे करणे आरोग्यासाठी फायदेशीर नसून हानिकारक आहे?

15 वर्षांचा अनुभव असलेल्या आहारतज्ज्ञ पूजा सांगतात की, काही फळे अशी आहेत जी दूध किंवा दुधाच्या पदार्थांसोबत लगेच किंवा काही वेळानंतरही खाऊ नयेत. यामध्ये संत्री, अननस, केळी, किवी, स्ट्रॉबेरी, लिंबू आणि मोसंबी यांसारख्या फळांचा समावेश आहे.

अनेक लोक केळी दुधात मिसळून खातात. विशेषतः वजन वाढवण्यासाठी दुधात केळी मिक्स करून शेक बनवला जातो, जो लोक आवडीने पितात. तज्ज्ञांच्या मते, असे करणे आरोग्यासाठी चांगले मानले जात नाही. खरं तर, आयुर्वेदानुसार केळी आणि दुधाच्या संयोगामुळे शरीरात विषारी पदार्थ तयार होतात, ज्यामुळे एलर्जी, सायनसची समस्या, सर्दी आणि पचनासंबंधी समस्या उद्भवू शकतात.

त्याचप्रमाणे, अननसासोबत दूध पिऊ नये. अननसामध्ये ब्रोमेलेन नावाचे एक एन्झाईम असते, जे दुधातील प्रथिने केसीनसोबत मिसळून शरीरात विषारी पदार्थ तयार करते, ज्यामुळे एलर्जी, त्वचेवर पुरळ उठणे, पोटदुखी किंवा उलट्यांसारख्या गंभीर समस्या होऊ शकतात.

किवी किंवा स्ट्रॉबेरीसोबत दूध पिणे देखील आरोग्यासाठी चांगले मानले जात नाही. जरी बहुतेक लोक दूध आणि स्ट्रॉबेरी एकत्र करून शेक बनवतात आणि आवडीने पितात. पण पूजा यांच्या मते, यामुळे एलर्जी, ॲसिडिटी आणि अपचनासारख्या समस्या उद्भवू शकतात. त्याचप्रमाणे, किवीसोबत दूध घेणे देखील योग्य मानले जात नाही. आयुर्वेदात हे आरोग्यासाठी चांगले मानले जात नाही. जर तुम्ही ही फळे खाल्ली, तर काही वेळानंतर दूध प्या.