अंड्याचं बलक खरंच घातक? सत्य समजल्यावर आजपासून कराल खायला सुरूवात

आयुर्वेदिक डॉक्टर राजेश पाठक सांगतात की, अंड्यातल्या पिवळ्या भागात कोलेस्ट्रॉल भरपूर असतं. कोलेस्ट्रॉल वाढल्यास हृदयासंबंधित आजारांचा धोकाही वाढतो. त्यामुळे अनेकजण अंड्याचा केवळ पांढरा भाग खातात. परंतु...

जर आपली जीवनशैली सक्रिय असेल तर अंड्याच्या पिवळ्या भागाचा आरोग्यावर कोणताही दुष्परिणाम होत नाही. उलट या पिवळ्या भागात आरोग्यपयोगी फॅट्स असतात, असं डॉक्टर सांगतात.

अंड्याच्या बलकात व्हिटॅमिन ए, डी, ई आणि के भरपूर प्रमाणात असतं. यात कॅल्शियम, फॉस्फरस आणि मिनरल्सही चांगल्या प्रमाणात असतात. ज्यामुळे हाडं आणि दात भक्कम होतात. अंड्याचा पिवळा भाग हा ओमेगा-3 फॅटी ऍसिडचं उत्तम स्रोत मानला जातो. ज्यामुळे हृदय आणि मेंदू सुदृढ राहतं.

डॉक्टर सांगतात की, अंड्याच्या बलकात कितीही पोषक तत्त्व असले तरी त्याचं पचन होणं जरा अवघड असतं. उकडलेल्या अंड्याचं पचन सहज होतं, मात्र जास्त शिजलेल्या अंड्याचं पचन सहज होत नाही.

जर अंड फ्राय केलं, त्यात जास्त तेल वापरलं, तर नक्कीच पचनात अडचणी येतात. त्यामुळे उकडलेली अंडी किंवा थोडं तेल वापरून शिवजवलेली अंडीच खावी.