अंड्यातील पिवळ्या भागातून शरीराला काय मिळतं? नेमकं कोणी खाऊ नये बलक?

अंड्यातल्या पिवळ्या भागात भरपूर कोलेस्ट्रॉल असतं. कोलेस्ट्रॉल वाढल्यास हृदयासंबंधित आजारांचा धोका वाढतो. त्यामुळे अनेकजण अंड्याचा केवळ पांढरा भाग खातात. परंतु...

तज्ज्ञ सांगतात की, अंड्याच्या बलकात व्हिटॅमिन ए, डी, ई आणि के भरपूर प्रमाणात असतं. तसंच कॅल्शियम, फॉस्फरस आणि मिनरल्सनी बलक परिपूर्ण असतं. ज्यामुळे हाडं आणि दात भक्कम होतात. अंड्याचा पिवळा भाग हा ओमेगा-3 फॅटी ऍसिडचं उत्तम स्रोत मानला जातो. ज्यामुळे हृदय आणि मेंदू सुदृढ राहतं.

तज्ज्ञ असंही सांगतात की, अंड्याच्या बलकात कितीही पोषक तत्त्व असले तरी ते पचायला जरा जड असतं. उकडलेल्या अंड्याचं पचन सहज होतं, मात्र जास्त शिजलेल्या अंड्याचं पचन सहज होत नाही.

आपली जीवनशैली उत्तम असेल, शरीराची खूप हालचाल होत असेल तर अंड्याच्या पिवळ्या भागाचा आरोग्यावर कोणताही दुष्परिणाम होत नाही. उलट या पिवळ्या भागात आरोग्यपयोगी फॅट्स असतात.

जर अंड फ्राय केलं, त्यात जास्त तेल घातलं तर नक्कीच पचनात अडचणी येऊ शकतात. त्यामुळे उकडलेली अंडी किंवा थोडं तेल वापरून शिवजवलेली अंडीच खावी, असं तज्ज्ञ सांगतात.