GK : डाळींचा राजा चना आहे मग राणी कोण? किचनशी संबंधीत 'ही' गोष्ट तुम्हाला माहितच नसणार

आपलं शरीर निरोगी आणि तंदुरुस्त ठेवायचं असेल, तर संतुलित आहार घेणं ही सर्वात चांगली सवय आहे. फळं आणि भाज्या हे आपल्या आहाराचे महत्त्वाचे घटक आहेतच, पण त्यासोबत ‘डाळ’ देखील शरीराला आवश्यक प्रथिनं आणि पोषक तत्वं पुरवते. भारतीय जेवण डाळीशिवाय अपूर्णच वाटतं मग ती चपातीसोबत असो की भातासोबत.

चणे हे आरोग्यासाठी चांगले असतात, म्हणून लोक त्याला खातात किंवा खाण्याचा सल्ला देतात. त्यामुळे चण्याला डाळींमध्ये सर्वात जास्त आरोग्यदायी मानले जातात. म्हणून लोक चण्याला डाळींचा राजा म्हणतात. पण मग यामुळे एक असा प्रश्न उपस्थीत होतो की डाळीची राणी कोण?

डाळींची राणी कोण आहे?आपल्याला सर्वांना ठाऊक आहे की चना डाळींचा राजा म्हणून ओळखला जातो. पण त्याची राणी कोण आहे, हे फार थोड्यांना माहिती असतं. भारतात तूर, मूग, मसूर, उडीद अशा अनेक दाळी खाल्ल्या जातात. मात्र, यांपैकी ‘मूग डाळ’ ही डाळींची राणी मानली जाते. तिचा रंग, चव, आणि पौष्टिक गुणधर्म यामुळे ती इतर डाळींपेक्षा खास ठरते.

मूग डाळ ही हलकी आणि पचायला सोपी असते. पोटाशी संबंधित त्रास जसे की गॅस, अॅसिडिटी किंवा बद्धकोष्ठता टाळण्यासाठी ही डाळ अतिशय उपयुक्त ठरते.

इम्युनिटी वाढवते: मूग डाळमध्ये प्रथिनं, व्हिटॅमिन B, आयर्न आणि अँटिऑक्सिडंट्स मुबलक प्रमाणात असतात, जे शरीराची रोगप्रतिकारशक्ती वाढवतात.

हिमोग्लोबिन सुधारते: नियमित मूग डाळ खाल्ल्याने शरीरातील लोह (Iron) वाढतं आणि रक्तातील हिमोग्लोबिनची पातळी सुधारते.वजन कमी करण्यास मदत: ही डाळ कमी कॅलरी आणि जास्त फायबरयुक्त असल्यामुळे वजन नियंत्रणात ठेवण्यास मदत करते.

त्वचा आणि केसांसाठी फायदेशीर: मूग दाळमध्ये असलेले पोषक घटक त्वचेची चमक टिकवून ठेवतात आणि केसांच्या वाढीस मदत करतात.तज्ज्ञांच्या मते, जर दररोज एक वाटी मूग दाळ आहारात समाविष्ट केली, तर ती शरीराला आवश्यक प्रथिनं देऊन अनेक आजारांपासून संरक्षण करते.