पावसाळ्यात ही भाजी खाण्यापूर्वी सावधान! काळजी घ्या, अन्यथा क्षणार्धात जाऊ शकतो जीव

मशरूमची भाजी अनेकांना आवडते. त्यामुळे पावसाळा सुरू झाला की बाजारात दाखल होणारं मशरूम अनेकजण आवर्जून आणतात. पण हे मशरूम काळजीपूर्वक विचार करूनच खावं लागतं. अन्यथा प्राणालाही मुकावं लागू शकतं. याबाबत झारखंडमधील आरोग्य अधिकारी श्याम नंदन तिवारी यांनी माहिती दिलीय.

भारतातील जंगलात अनेक प्रकारचे मशरूम वाढतात. यापैकी बहुतेक मशरूम हे विषारी आहेत. त्यांचं सेवन केल्यानं अन्नातून विषबाधा होते. अनेक मशरूम इतके प्राणघातक असतात की ते एका क्षणात सेवन करणाऱ्याचा जीव देखील घेऊ शकतात.

मशरूममध्ये अनेक प्रकारचे <a href="https://news18marathi.com/lifestyle/health/">जीवनसत्त्वे आणि खनिजे</a> आढळतात. याचे सेवन केल्याने शरीराला अनेक फायदे होतात. यामध्ये असलेले कॅल्शियम हाडे आणि स्नायूंना मजबूत करते. परंतु लोकांनी माहिती नसताना त्याचे सेवन करण्याऐवजी त्याच्या पर्यायी भाज्यांचे सेवन करावे, असेही आरोग्य अधिकारी सांगतात.

दरवर्षी मशरूममुळे अन्नातून विषबाधा झाल्याची अनेक प्रकरणे समोर येतात. जिथे जंगली मशरूम खाल्ल्यानंतर लोक आजारी पडतात. अशा परिस्थितीत, जंगली मशरूम टाळावा, असा सल्ला डॉक्टर देतात.

तुम्हाला जंगली मशरूम खाण्याची इच्छा असल्यास, फक्त सामान्यतः सेवन केलेल्या प्रजातींची माहिती घ्या. त्यानंतरच त्याचे सेवन करा. तसेच भाजी बनवण्यापूर्वी गरम पाण्यातून मशरून उकडून घ्यायला विसरू नका, असंही डॉक्टर श्याम नंदन तिवारी सांगतात.