थंडीत त्वचा कोरडी पडतेय? या सोप्या टिप्सने होईल मोठा फायदा

हिवाळा चालू झालेला आहे. हिवाळ्यामध्ये आपली त्वचा एकदम कोरडी आणि निस्तेज दिसायला लागते. त्यासोबतच पिंपल्स देखील मोठ्या प्रमाणात येतात. त्यामुळे हिवाळ्यामध्ये आपण आपल्या स्किनची कशी काळजी घ्यावी याबद्दलच छत्रपती संभाजीनगरमधील ब्युटिशियन दर्शना देशमुख यांनी माहिती दिली आहे.

जर तुमची स्किन ही ड्राय असेल तर तुम्ही रोज रात्री झोपण्याआधी ग्लिसरीन आणि गुलाब जल एकत्र करून छान चेहऱ्याला लावून झोपू शकता. यामुळे तुमची त्वचाही ड्राय होणार नाही आणि ग्लो करायला लागेल.

जर तुमची स्किन ही ऑयली असेल किंवा पिंपल्स असतील तर तुम्ही विटामिन ई ची गोळी आणि थोडसं एलोवेरा जेल मिक्स करून चेहऱ्याला लावाल. त्यामुळे तुमच्या चेहऱ्यावरची पिंपल्स कमी व्हायला चेहऱ्यावरील ऑइल कमी व्हायला मदत होते, असं दर्शना देशमुख सांगतात.

याच बरोबर आपण बटाट्याचा फेस पॅक देखील तयार करू शकतो. त्यासाठी एक बटाटा घ्यायचा. तो किसून पाण्यामध्ये टाकायचा. त्यानंतर बटाटा बाहेर काढून घ्यायचा आणि पाण्यामध्ये जो खाली स्टार्च जमा होतो तो आपल्या चेहऱ्याला लावा. यामुळे सुद्धा तुमची त्वचा ग्लो करेल.

तुम्ही दुसऱ्या फेस पॅकमध्ये दही आणि हळद मिक्स करून हा फेसपॅक पंधरा मिनिटे चेहऱ्याला लावायचा. त्यानंतर हलक्या हाताने चेहऱ्याला मसाज करा. यामुळे तुमच्या चेहऱ्यावरील ब्लॅकहेड्स वाईट हेड्स हे निघून जातील, असंही दर्शना देशमुख सांगतात.

मध आणि एलोवेरा जेल मिक्स करून लावलं तर सुद्धा चेहरा चांगला होतो. 'विटामिन सी'ची कॅप्सूल आणि बदाम तेल एकत्र करून हलक्या हाताने मसाज केली तर चेहऱ्यावरती चांगला ग्लो येतो.

मुलतानी माती मध्ये थोडेसे हळद, दही आणि अंड्यातील पांढरा गर एकत्र करून हा फेस पॅक चेहऱ्याला लावा. पंधरा-वीस मिनिटं ठेवल्यानंतर सुद्धा तुमचा चेहरा ग्लो आणि शाईन करायला लागतो, अशी माहिती दर्शना देशमुख यांनी दिली.