Perfect Curtains : जागा आणि ऋतूनुसार पडदे बदलण्याचे फायदे माहितीये? तज्ज्ञांनी सांगितल्या महत्त्वाच्या गोष्टी

आज आम्ही तुम्हाला तुमच्या घरातील जागेनुसार पडदे कसे निवडावे आणि ऋतूनुसार पडदे बदलण्याचे फायदे सांगणार नाही. नेस्टेराच्या होम टेक्सटाईल्स आणि डिझाइन एक्सपर्टच्या उपाध्यक्ष स्मिता जोशी यांनी याबद्दल माहिती दिली आहे.

पडद्यांचा रंग तुमच्या खोलीतील भिंती आणि फर्निचरच्या रंगांशी जुळणारा असावा. जर तुमची खोली खूप उजळ असेल, तर गडद रंगांचे पडदे उन्हाची तीव्रता कमी करतात. शेवटी पडदे फक्त सजावटीसाठीच नाही तर ते तुम्हाला गोपनीयता आणि सूर्याच्या प्रखर किरणांपासून संरक्षण देखील देतात.

तापमान नियंत्रण : तापमान नियंत्रित करण्यात पडदे महत्त्वाची भूमिका बजावतात. जाड फॅब्रिक असलेले पडदे थंड महिन्यांमध्ये उष्णता टिकवून ठेवतात, तर हलके पर्याय उन्हाळ्यात तुमच्या घराला थंड ठेवण्यासाठी हवेच्या प्रवाहासाठी मदत करतात. याव्यतिरिक्त पडदे बदलून तुम्ही नैसर्गिक प्रकाशाचा चांगल्या प्रकारे उपयोग करू शकता, हिवाळ्यात उष्णता वाढवू शकता आणि उन्हाळ्यात शांत वातावरणासाठी सूर्यप्रकाश गाळू शकता.

पडद्यांची टिकाऊ क्षमता वाढते : बदलत्या ऋतूंसह पडदे बदलणे ही तुमच्या पडद्यांची टिकाऊ क्षमता वाढवण्यासाठी एक व्यावहारिक निवड आहे. पडदे सूर्यप्रकाश, तापमानातील चढ-उतार, आर्द्रता आणि धूळ यांसारख्या विविध वातावरणीय घटकांपासून प्रभावित होतात. कालांतराने या गोष्टींमुळे पडद्यांची झिज होऊ शकते, ज्यामुळे त्यांचे स्वरूप आणि कार्यक्षमता कमी होऊ शकते.

वेगवेगळा लूक मिळतो : ऋतूतील बदलांना स्वीकारल्याने तुम्हाला वेगवेगळ्या स्टाईल आणि टेक्स्चरसोबत प्रयोग करण्याची संधी मिळते. अधिक जाड आणि टेक्स्चर असलेल्या पडद्यांची निवड करून, तुम्ही हिवाळ्यात एक उबदार आणि आरामदायक वातावरण तयार करू शकता. व्हेलवेट, ट्वीड किंवा स्यूएड हे थंड महिन्यांसाठी योग्य फॅब्रिक आहेत. याउलट उन्हाळ्याच्या महिन्यांमध्ये मोकळे आणि हवेशीर वातावरण तयार करण्यासाठी हलके, पातळ पडदे निवडायला हवेत.

तुमच्या घराचे सौंदर्य वाढवते : पडद्यांमध्ये तुमच्या घराला एक खास लूक देण्याची क्षमता आहे, ज्यामुळे जागेमध्ये तुमचे व्यक्तिमत्व दिसून येते. ऋतूनुसार पडदे बदलल्याने तुमच्या घराला नवीन लूक देण्याचा एक सोपा आणि प्रभावी मार्ग मिळतो, ज्यामुळे तुमची सजावट बदलत्या ऋतूंसोबत सहजपणे जुळते.

ॲलर्जीला प्रभावीपणे नियंत्रित करणे : ऋतू बदलल्यावर, वेगवेगळ्या प्रकारच्या ॲलर्जी वाढू लागतात. अशा परिस्थितीत, सहजपणे स्वच्छ करता येणाऱ्या आणि ज्यांची काळजी घेणे सोपे आहे, अशा पडद्यांकडे वळणे ही एक चांगली योजना आहे. यामुळे धूळ, परागकण आणि पाळीव प्राण्यांचे केस यांसारख्या ॲलर्जी निर्माण करणाऱ्या गोष्टींचा साठा कमी होतो.

ऊर्जा वाचवण्यासाठी, तुमच्या जागेला अधिक आरामदायक बनवण्यासाठी, स्टाइलचा स्पर्श देण्यासाठी, तुमचा मूड चांगला करण्यासाठी किंवा तुमच्या फर्निचरचे संरक्षण करण्यासाठी याचा फायदा होऊ शकतो. फक्त ऋतूनुसार पडदे बदलल्याने हे सर्व साध्य होऊ शकते. वर्षातील तुमच्या गरजेनुसार तुमच्या घराच्या विविध पैलूंना अधिक चांगल्या प्रकारे सजवण्याचा हा एक सोपा मार्ग आहे.

अस्वीकरण : या बातमीत दिलेली माहिती आणि आरोग्याशी संबंधित सल्ला तज्ञांशी झालेल्या संभाषणांवर आधारित आहे. ही सामान्य माहिती आहे, वैयक्तिक सल्ला नाही. म्हणून, डॉक्टरांचा सल्ला घेतल्यानंतरच काहीही वापरा. त्याच्या वापरामुळे होणाऱ्या कोणत्याही नुकसानासाठी न्यूज-18 जबाबदार राहणार नाही.