Sensitive Skin Care : पावसाळ्यात संवेदनशील त्वचेची अशी घ्या काळजी, फॉलो करा हे खास स्किन केअर रुटीन

चेहऱ्यासाठी सौम्य क्लीन्झर वापरा : तुमच्या स्किनकेअर रुटीनची सुरुवात सौम्य क्लीन्झरने करा. यामुळे त्वचेवर जमा झालेले अतिरिक्त तेल, घाण आणि प्रदूषण दूर होते. संवेदनशील त्वचेसाठी डिझाइन केलेले उत्पादन वापरा. असे क्लीन्झर निवडा. ज्यात नियासिनमाइड, पॅन्थेनॉल आणि हायड्रेटिंग ग्लिसरीन सारखे घटक असतील.

हलके मॉइश्चरायझर वापरा : मान्सूनमध्येही त्वचेला हायड्रेशन खूप आवश्यक असते. रोमछिद्रे बंद होऊ नयेत आणि मुरुम येऊ नयेत यासाठी, हलके आणि तेल-मुक्त मॉइश्चरायझर निवडा. ह्याल्युरोनिक ऍसिड किंवा ग्लिसरीन असलेले मॉइश्चरायझर तुमच्या त्वचेसाठी उत्तम ठरतील.

पावसाळ्यातही सनस्क्रीन वापरा : ढगाळ वातावरण असले तरी हानिकारक यूव्ही किरणे तुमच्या संवेदनशील त्वचेला नुकसान पोहोचवू शकतात. म्हणूनच, एसपीएफ 30 किंवा त्याहून अधिक असलेले ब्रॉड-स्पेक्ट्रम सनस्क्रीन वापरा. ऑक्सीबेंझोन आणि पॅराबेन्स सारख्या कठोर रसायनांशिवाय तयार केलेले सनस्क्रीन निवडा. बाहेर वेळ घालवत असाल, तर दर दोन ते तीन तासांनी सनस्क्रीन पुन्हा लावा.

टोनर वापरून अतिरिक्त तेल कमी करा : मान्सूनमध्ये आर्द्रतेमुळे त्वचा जास्त तेलकट होऊ शकते. हे अतिरिक्त तेल कमी करण्यासाठी, तुमच्या रुटीनमध्ये सौम्य टोनरचा समावेश करा. विच हेझेल किंवा टी ट्री ऑइल यांसारखे नैसर्गिक घटक असलेले टोनर निवडा. क्लीन्झर वापरल्यानंतर आणि मॉइश्चरायझर लावण्यापूर्वी टोनर वापरा.

हायड्रेशन बूस्टर्सचा वापर करा : मान्सूनमध्ये तुमच्या त्वचेला पुन्हा जिवंत करण्यासाठी हायड्रेशन बूस्टर्सचा वापर करा. ह्याल्युरोनिक ऍसिड, सेरामाइड्स किंवा व्हिटॅमिन ई यांसारखे घटक असलेली उत्पादने वापरा. हे घटक त्वचेतील ओलावा टिकवून ठेवण्यास आणि त्वचेची प्रतिकारशक्ती वाढवण्यास मदत करतात.