बिनधास्त हसा, मोत्यासारखे चमकतील दात, तोंडातून येणार नाही वास, टूथपेस्टमध्ये मीठ नाही 'हे' घाला!

स्ट्रॉबेरी खायला कोणाला नाही आवडत, हीच स्ट्रॉबेरी आपल्या दातांची चमकही वाढवू शकते, फक्त त्यासाठी त्यात जरा बेकिंग सोडा मिसळावा. मग या मिश्रणानं हलक्या हातांनी दात घासावे. आठवड्यातून 2-3 वेळा हा उपाय करण्याचा सल्ला दिला जातो.

नारळाच्या तेलामुळे केसांना भरभरून पोषण मिळतं हे आपल्याला माहित असेलच. परंतु हे माहित नसेल की, नारळाच्या तेलात भरपूर अँटि-बॅक्टेरियल गुणधर्म असतात जे दातांमधले जंतूही नष्ट करू शकतात. त्यासाठी सकाळी उपाशीपोटी चमचाभर नारळाचं तेल 10 ते 15 मिनिटं तोंडात घुसळण्याचा सल्ला दिला जातो. नारळ तेल थुंकल्यानंतर कोमट पाण्यानं चूळ भरावी. यामुळे काही आठवड्यांमध्येच आपल्याला आपल्या दातांमध्ये फरक दिसू शकतो.

आपण ज्या आल्याचा चहा अगदी सुगंध घेऊन घेऊन पितो, तेच आलं स्वच्छ दातांसाठी फायदेशीर ठरतं. कारण त्यात अँटि-इंफ्लेमेटरी गुणधर्म असतात. आपण ताज्या आल्याचा रस काढून त्यात काळं मीठ मिसळून दात घासू शकता. यामुळे काहीच दिवसांत दात छान चमकदार दिसू लागतात.

पूर्वी मोहरीच्या तेलात काळं मीठ मिसळून त्याने लोक दात घासायचे. आजही हा उपाय करून आपण आपल्या दातांवर जमलेला पिवळा थर घालवू शकता. त्यासाठी चमचाभर मोहरीच्या तेलात थोडं काळं मीठ मिसळावं. मग हे मिश्रण ब्रशवर घेऊन हलक्या हातानं दात घासावे. यामुळे दातांचा पिवळसरपणा कमी होऊ शकतो.

कोणतेही महागडे प्रॉडक्ट्स न वापरता आपण वरील सोप्या घरगुती उपायांनी आपले दात अगदी मोत्यासारखे चमकवू शकता. नियमितपणे दातांची काळजी घेतल्यास आपण आत्मविश्वासानं खुलून हसू शकता.