beed accident : बीडमध्ये दुचाकींचा भीषण अपघात, दोघांचा मृत्यू , 1 गंभीर जखमी

बीडच्या परळी शहरात रात्री आठच्या सुमारास भीषण अपघात झाला. या तिहेरी अपघातात दोन जण जागीच ठार झाले तर एक जण गंभीर जखमी झाला आहे.

परळी शहरातील चेंबरी विश्रामगृहाजवळ दोन बाईकची समोरासमोर धडक झाली. याचवेळी रस्त्यावर पडलेल्या दुचाकीस्वाराच्या अंगावरून मोठी गाडी गेली. या अपघातात दोघांचा मृत्यू झाला.

या घटनेत आणखी एक जण गंभीर जखमी झाला आहे, जखमी व्यक्तीला स्थानिकांच्या मदतीनं उपचारासाठी रुग्णालयात दाखल करण्यात आलं आहे.

जब्बार सय्यद आणि अजय चौधरी असं या अपघातामध्ये मृत्यू झालेल्या व्यक्तींची नावं आहेत. अपघातांच नेमकं कारण अद्याप समोर आलेलं नाहीये.

दरम्यान अपघातानंतर मोठी वाहतूक कोंडी निर्माण झाली होती. दोन्ही बाजूनं वाहानाच्या रांगाच रांगा लागल्या होत्या.