Rain Alert: मराठवाड्यात आजचा दिवस पावसाचा, छ. संभाजीनगरसह 7 जिल्ह्यांना यलो अलर्ट

छत्रपती संभाजीनगर, जालना, धाराशिव, परभणी, बीड, नांदेड आणि हिंगोली, लातूर या जिल्ह्यांना यलो अलर्ट देण्यात आलेला आहे. या सर्व जिल्ह्यांमध्ये मुसळधार पावसाची शक्यता असून आज 40 ते 50 किलोमीटर प्रति तास या वेगाने वारे वाहतील.

मराठवाड्यातील लातूर, जालना जिल्ह्यामध्ये मंगळवारी मुसळधार पाऊस झाला. या पावसामुळे शहरातील अनेक ठिकाणी झाडे कोसळली. आज देखील लातूर, जालन्यात मुसळधार पावसाची शक्यता वर्तवली आहे. मराठवाड्यातील सर्व जिल्ह्यात कमाल तापमान 30 ते 32 अंश सेल्सिअस राहील.

.छत्रपती संभाजीनगर शहरांमध्ये देखील काल पावसाने हजेरी लावली. आज देखील शहरामध्ये पावसाची शक्यता असून दिवसभर आकाश ढगाळ राहील. संभाजीनगर शहरांमध्ये तापमान हे 34 अंश सेल्सिअस असेल.

मराठवाड्यात मुसळधार पावसाने शेतीचे मोठे नुकसान झाले आहे. आज पुन्हा छत्रपती संभाजीनगरसह 7 जिल्ह्यांना यलो अलर्ट देण्यात आला असून शेतकऱ्यांना योग्य ती काळजी घ्यावी लागेल. शेतातील काढून ठेवलेला माल हा सुरक्षित ठिकाणी ठेवावा जेणेकरून नुकसान होणार नाही.